مجالس الرويضة لكل العرب - رد بن قضعان على مسلط ابوثنين ..

بسم الله الرحمن الرحيم

السلام عليكم ورحمة الله وبركاته

قصيده لشاعر المبدع ضيدان بن قضعان يرد فيها على الشيخ والشاعر الكبير مسلط بن شعيفان ابوثنين

يقول الشاعر الكبير ضيدان بن قضعان

حييت يـا مسلـط كريـم السبالـي
من هول بيـتٍ يستحـق الزعامـه
بيـتٍ تمنيتـه وهـو مـا ينـالـي
ودامه خطف قبلي فـلا لـي ملامـه
(( انا أتهم أنك سارقه مـن خيالـي
في ليلة قلبي غرق فـي منامـه ))
لو كـان وقتـي غرنـي عزتالـي
وغديت طيـر شابـكٍ لـه حمامـه
وقت ٍ على كسابـه الطيـب مالـي
يلعب بشيخان العـرب لعـب دامـه
مـن اول تـذرى خشـوم الجبالـي
واليوم يغني عن ذرا الضلع خامـه
ومع كل هذا مـا جمعـت الريالـي
ويهون موتي دون جـرح الكرامـه
واجـود باليمنـى وتجهـل شمالـي
وهبال مسلط يعطي الـراس زامـه
حي (( مهبول )) صامل مـا يبالـي
ولا صاحي وقت الشدايد (( هلامه ))
الشعر بنـتٍ لابـو زيـد الهلالـي
وبيتك يلـوح بخدهـا كنـه شامـه
(( أنا أشهد انك سارقه من خيالـي
في ليلة قلبي غرق فـي منامـه ))

اتمنى ان تنال اعجابكمـ