مجالس الرويضة لكل العرب - [.. رَح بَشر آللي مَ‘ـلتَفتْ لك ينَـآديـِك قَـله تَركته لِ خآطـرك مآتـأخرت ..]

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

[.. رَح بَشر آللي مَ‘ـلتَفتْ لك ينَـآديـِك قَـله تَركته لِ خآطـرك مآتـأخرت ..]

البارحه مابين وشلون يمديك

..... في يوم واحد ياحبيبي تغيّرت
الليل خلاني وخلا طواريك
..... تلعب بقلبي كل ماداخلي ثرت
سويت شين حدني غصب ماجيك
.... والا قبل لاسير الليل سيرت
هدمت كل اللي بنيت بتجافيك
.... هدمت لا والله بالعون دمرت
خليتني ماقلت لي شلون اخليك
... ليتك بحالي قبل مارحت ناظرت
الله كريم يصبر اشواق مغليك
.... لاقام ينثرني غلاك وتناثرت
والله يسامح قلبي اللي مواليك
... اخذت كل اللي تبي منه وانكرت
منهار جيت العام تسبق خطاويك
... واليوم ماكنك قبل جيت وانهرت
في ذمتك لامن تذكرت ماضيك
... من يطري في بالك اليامن تذكرت ؟
من كثر مافكرت وشلون اراضيك
.... وياك في نفسي ولا يوم فكرت
على كثر ماكنت متمسكن فيك
... وعلى كثر ماحتجتني ماتعذرت
جيتك وعندي حاجتن بين اياديك
... والمشكله تقدر عليها وقصرت
رح بشر اللي ملتفت لك يناديك
.... قله تركته لخاطرك ماتأخرت
صدقني انها غلطتي يوم اداريك
.. ولا انت لولا غلطتي كان ماصرت
كبرتك بعين البعيد وحواليك
..... ابيك تكبر والمصيبه تكبرت
حاولت اغيّر فيك من كثر مغليك
..... قدرت لكنك عليّه تغيّرت

رد: [.. رَح بَشر آللي مَ‘ـلتَفتْ لك ينَـآديـِك قَـله تَركته لِ خآطـرك مآتـأخرت ..]

... ليتك بحالي قبل مارحت ناظرت
الله كريم يصبر اشواق مغليك
.... لاقام ينثرني غلاك وتناثرت
والله يسامح قلبي اللي مواليك
... اخذت كل اللي تبي منه وانكرت
منهار جيت العام تسبق خطاويك
... واليوم ماكنك قبل جيت وانهرت
في ذمتك لامن تذكرت ماضيك

الفجر البعيد

دامت لنا ذائقتك

في كل مرة تنثرين لنا احاسيس جميله تتجسد بكلمات رووعة

لاهنتي

ولاعدمنا وجودك

رد: [.. رَح بَشر آللي مَ‘ـلتَفتْ لك ينَـآديـِك قَـله تَركته لِ خآطـرك مآتـأخرت ..]

مساء الخير

أبدعتي فجورتي
دامتّ أحاسيسك عذبة ..

http://forum.sedty.com/images/smilies/rose.gifوفي حفظ الله http://forum.sedty.com/images/smilies/rose.gif

رد: [.. رَح بَشر آللي مَ‘ـلتَفتْ لك ينَـآديـِك قَـله تَركته لِ خآطـرك مآتـأخرت ..]

قصيده في قمة الروعه
دامت ذائقتك المميزه..
تقبلي مروري..

رد: [.. رَح بَشر آللي مَ‘ـلتَفتْ لك ينَـآديـِك قَـله تَركته لِ خآطـرك مآتـأخرت ..]

تسلمين ياقلبي على هذه الابيات الرائعه