رويغب رويغب المحروم

#1 (**permalink**) 13-10-2009, 07:28 PM

لا ضاق صدري وجتني هموم
هموم(ن) كبار وصغيرة
ولا شان حالي وجاني صدوم
صدوم دنياي والحيرة
ولا جيت ابرقد وطار النوم
واسهرت راسي ولا غيرة
خذيت نفسي وتركت القوم
ووجهت وجهي على الديرة
ديرة هل الصدق واهل الصوم
اللي لهم ذكر(ن) وسيرة
تاريخهم واضح ومعلوم
وافـعـالـهم دايـم كبيرة
ورفيقهم دايم(ن) محشوم
وعــدوهـم يـالله الخيرة
لا جاء يدّور يبي المقسوم
يـبشر بـخسـران وذخيرة
ذخيرة في حشاه تحوم
ويـعـود ما يحمل الليرة
ونعم يا اهلها وتدوم
انـعـام ربي على الديرة
ويآلاد منجل خيار القوم
في مدحكم طار الحكي طيرة
افعالكم باقيه بـ تدوم
في صفحة المجد والسيرة
كبيركم في العمر مخدوم
وعلومكم زي حلا الشيرة
ومحانيه فعلها محتوم
وقت الوغا تطرد الغَيرَة
رويغب رويغب المحروم
من الردي وصانع البيرة
وتقبلوا خطي المختوم
بصلاة(ن)على معّطر السيرة
وترا قصيدي مهو معصوم
وأسمي أنا عاشق الديرة

#2 (**permalink**) 13-10-2009, 07:39 PM

وهج

ونعم برويغب واهلها

كلمات جميله جدا

بس ياليت نشوف تقرير مصل بالصور عن رويغب بعد

ربي يعطيك العافية

#3 (**permalink**) 13-10-2009, 07:54 PM

كلمات غاية في العذوبة والجمال

كما عودتنا دائما تنثرين الدرر

بقلمك الماسي وتحتوينا بروحك المعطاء

لك خالص الشكر والتقدير

تقبلي مروري

#4 (**permalink**) 13-10-2009, 07:59 PM

وهج السهول الف شكر لك على الطرح الرائع ورويغب ديزة من ديار قبيلة السهول تبعد عن الرياض مسافة مئة واربعين كيلو من جهة الشمال ويسكنه بوجه العموم ال محلف وال محيميد
من عوائل قبيلة السهول المعروفة...

#5 (**permalink**) 13-10-2009, 08:08 PM

يعطيك العآفيه وهج ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رويغب رويغب المحروم	شيكنكيري	منتدى السفر والسياحه	10	24-11-2009 11:20 AM
أماكن سياحية في المدينة رويغب (فيضة نوره)	شيكنكيري	منتدى السفر والسياحه	20	21-11-2009 10:28 PM
إبن عمار الصوينع .. العاشق المحروم	سلطان الشوق	صهيل القصيد	16	07-10-2009 06:48 PM

رويغب رويغب المحروم

صهيل القصيد