مجالس الرويضة لكل العرب - تخيل انك مدرس مين راح تطرد من الفصل؟

ماودي اطرد احد ابغاكم تفتحون اذانكم للشرح واللي ماينتبه معي خصم درجات من المشاركه ::
اعقل ياللي في الزاويه ..و انت ياللي في الجهه الثانيه لاتجي من بكره اللا وابوك معك :: اجل هوشات هاااه

اللي نابطني وانا اشرح منهوا ؟؟لايكون بقايا جروح :: عاد بقايا معروف باخلاقه في الفصل احس انها اشاعه من كنق يبغى ينكب بقايا
عموما انتبهوا معي والا روحوا للوكيل تفاهموا معه والله من قو المخمس ؟؟؟
كنق الفياض رح خذ ملفك من المدير :: حصتي ما ابغى اشوفك داخلها ::: اجل تقشم فص فص
بنت كول .... يالله وقفي .. عند السبوره اجل انا اشرح وانتي تكتبين شعر لبن فطيس و سعد بن علوش ..هاه خصم 5 درجات .. علشان تنتبهين للشرح المره الجايه :.::
الظهيري :: طاقها سوالف مع كنق وبقايا .. انتبه للدرس !!
الغزال الشارد ضحك مافيه ..خلاص وقت الجد جد ..
تكفيني الذكرى ماسك الزاويه .. وماخذ نومه على السجاده .. اترك السوالف والنوم ..وركز بعد شوي اختبار مفاجئ
نجي للصفوف الاولى ..
وهج السهول .. مشاء الله عليك .. منتبهه للدرس صح بس دايما سرحانه بهمتارو .. جيبه في اليوم المفتوح .. خلي المدير يشوفه ..
الغلا.. طالبه هادئه في الصف بس اليوم خارج التغطيه ..
الفجر البعيد .. زياده 5 درجاة نظرا للهدوء داخل الصف .
جساس ..من الان ناجح نظرا لما تمتاز به كالاخلاق .. والواجب تحله في وقته وماتغش بسم الله عليك ..
حموووودي.انت و.عيونك اخر امالي .. ازعجتوا تكفيني الذكرى بالنصر والهلال ياخي شكلك مصدوم من نادي القرن .. وياليت جت على كذا وبس مابقى طالب في الصف اللا ومسوين معه نقاش حاد عاد كلهم هلالييين مافيه نصراوي اللا انت واخر امالي ... وكل شوي تقولون حركة عبدالعزيز مالها داعي ..مايمص اصبعه اللا الورع .. اجل توتي وروبينيو ورعان ... واللا علشان الهدف مايجيبه اللا اللاعبين اللي من الطراز العالمي .. من الان انتم راسبين ..
moon... شدي حيلك ما تشاركين واجد ..
اسايرها تعاندني .. تعتبر من الطلاب المثابرين في الصف .. واول طالب يدخل في حصصي
عبدالله بن عبدالعزيز .. غيابك وسحباتك على المدرسه كاثره .. ترا الووو لابوك يجيب خبرك ..
سموالاحساس .. اكثر شي يعجبني فيك انك العريف عليهم ومافيه احد يتكلم ..لك مكافئه خاااصه ..
كلي حلا .. الواجب تحلينه في البيت والغياب كاثر .. انتبهي على الدرجات .تراها بدت تطير ..
كبرياء انثى ... اتركي اللعب .. اذا انا تاخرت على الحصه المفترض تنتظرين على الكرسي وتتركين اللعب .. هذي ملاحظه الملاحظه الثانيه .. الاكزام((اختبار )) الماضي الدرجات ضعيفه جدا .. ارجوا التركيز في الاختبار القادم ..
فيصل ..ياخي انت ثقيل في مشاركاتك .. مع انك دايم هادي .. ولا عليك امر ..نهاية الحصه اجمع الدفاتر من الطلاب علشان اصححها خصوصا عبدالله بن عبدالعزيز ...

بقايا جروووح ... يوم الاربعاء كاثر غيابك فيه .. المقانيص اللي وقت الدراسه no عندك الخميس ..اقنص فيه .. الاختبار اللي يوم الاربعاء اللي فات مافيه اعاده اللا لين تجيب لي عذر من المستشفى يثبت انك مريض ..

الاختبار الاسبوع الجاي طبعا انجلش :/: الله يعينكم تحديد مافيه :: تجوني في البيت لا ما ابغى اشوف احد جايني في البيت :: اللي بيني وبينكم الفصل بس :؟؟ ياليت محد يتصل علي لان اللي بيتصل بشهر برقمه في الطابور .,:

طبعا الطالب المجتهد بينجح واللي مسوي عربجي وزاحف ونص كم ويرد علي هذا من الحين راسب ويغسل يدياته من النجاح ::

خخخخخ موفقين .. اي سؤال انا في غرفة المعلمين على مكتبي .. لااحد يتردد بالسؤال :.:.

بنت كول سألتني بداية الحصه عن طريقةالاسئله .. وهذي تعتبر ايجابيه بحد ذاتها للطالبه .. نظرا لحرصها على المذاكره ..
طبعا 3 اسئله
السؤال الاول قطعه وعليها اسئله ..؟
السؤال الثاني .. خمس فراغات .. طبعا بتعاطف معكم لعيون كنق الفياض .. وبعطيكم الكلمات مع السؤال ؟
السؤال الثالث تعبير وطبعا الجمل المساعده موجوده ..؟

اي تلفت او اي براشيم احصلها معكم ..على طول اسحب الورقه منه ..
سمعتوا ... تكفيني الذكرى ,, عبدالله بن عبدالعزيز .. فيصل .. الغزال الشارد ..حموووودي .. غش مافيه,.,.,.,.,

ياليت الطلاب الغايبين اليوم تبلغونهم عن الاختبار ..

يالله السلام عليكم ...