|
تخيلوا لو تصير شروط التسجيل بالمنتدى بالشروط هذي السلام عليكم ورحمة الله وبركاته تخيلوا لو تصير شروط التسجيل بالمنتدى بالشروط هذي ~~~~~~~~~~~~~~~ ~~~~~~~~~~~ لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة اعرفوا الشروط زين....وافهموها ....واللي ما يبي هالشروط جعل اصيبعاته اللي طقت على الكيبورد تنكسر...حنا ما نلعب....واللي يبينا حياه الله بيننا....فهمتوا بما ان هذا الموقع موقعي ....فاللي يبي يسجل معنا يوافق على الشروط من ورى خشمه ....والشروط هي... 1- اللي يسب اي واحد من الاعضاء نبي نجيه وبنربط حواجبه في صدامات جيب سزوكي وبنروح ونطعس فيه باقرب طعس...همني قايلكم حنا ما نلعب 2- لما تكتب موضوع خل البقيه يجون ويتميلحون ويتهاوشون بس بحدود وخلهم يذبون براحتهم.....وال لي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجراء وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجراء.....هم ني قايلكم حنا ما نلعب 3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....علشان ما يتعودها همني قايلكم حنا ما نلعب 4- انتم اعضاء لكم تكتبون بس....ولااحد فيكم يسوي لي فيها مراقب مانبي مراقبين.....فهم توا ولا افهمكم... 5- الساحه الرياضيه لكم ثنتين...واللي ماهو هلالي لايوطوط فيذاك ساحة ابو جدي وانا حر فيها ولا عندنا ديمقراطيه....ول ا عمرنا سمعنا فيها وهي وشهي...هي الديمقراطيه حاجه تنوكل 6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا.. .صح ولا ماهو صح...قولوا صح ...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...مجالسن ا وحنا حرين فيها 7- ياويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة راس 8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علباه( العلبا هي المنطقة الواقعه بين الرأس والرقبة من الخلف )...وبعدين بناخذه لا اقرب قليب(يعني البئر وهي التي يستخرج منها الماء وتكون على شكل دائرة او مربع على حسب تحشيشه الافغاني اللي حفرها)...وبنغطس ه وبنطلعه...ونغطس ه ونطلعه الين مايقول....اشهد ان الددسن سياره...واشهد ان الاقلاع ما هو بالشطاره ولا بالمصاله.....ال اقلاع فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....همني قايلكم ما نلعب... 9- قريتوا الشروط........ه اه عجبتكم....فهمتو ها...طيب ما عندنا تسجيل هالايام....والل ي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى 10- كلنا عيال قريه وكلن يعرف خيه... 11- همني قايلكم حنا ما نلعب الان اسماء بعض المنتديات بعد التعديل :- * منتدى شخبط وخمبق ترى محد لمك.....منتدى البساط احمدي سابقا * منتدى شاعر في المشمش......منت دى الشعر الشعبي سابقا * منتدى معاهم معاهم عليهم عليهم....المنتد ى الرياضي سابقا بالنسبه للمحادثات....تس ان ودكم نسوي لنا طلعة بر على الطبيعه ازين... ملاحظه...... اللي بنكتشف انه رجال مشورب ويكتب باسماء اناث...ولا اناث تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم موافق غير موافق منقول بتصرف |
معصي والله محد يسجل وش هالتعجيز ههههههههههههااا ي مشكور أخوي نبض الحياة ودمت |
تصدق عاد لو يسونها منتب شايف احد يستخدم النت ههههههههههههههه ههههههههههه ههههههههههههههه ههههههههههههههه ههههههههههههههه ههه يعطيك العافيه نبض الحياة على الطرح الجيمل والله يستر عسا متصير |
هذي شروط تسجيل منتدى والا هوشه عند حراج ابن قاسم خخخخخخخخخخ يسلموووووا أخوي نبض وحلوه منك |
تصدق نبض بيصير منتداهم فلة كل يوم كاوين واحد مع علباه ههههههههههه مشكور نبض الحياة |
| الساعة الآن 01:04 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..