مجالس الرويضة لكل العرب - بهديـــكـ طعنه ... من بقايا ..... طعونكـ

((شايف ياشاطر وشهي أقوى ظنونك ))
لاجيت أبنسى .. وأتراجع .. وأسامحك
صاحت جروحي .. واشتكت لي طعونك

كلك خيانه قول .. وشلون أبمنحك
وش موقفك من شخص ( داااايم ) يخونك

أكبر خطا .. لو جيت يمك .. أصالحك
أول تحوووووّل .. لا تغرّك .. لحونك

اللي تقوله صح .. لو كنت جارحك
أنت غارق للاسف .. في ظنونك

وصفك نسيته بس .. باقي .. ملامحك
بنهيك .. وأنهي بالنهايه .. جنونك

ما تستحق ( أمد ) كفي وأصافحك
مثلك غلط عمري .. وأبحيا .. بدونك

لعبت دورك .. شاهدات ٍ مسارحك
خدعتني .. وأظهرت .. خافي فنونك

كنت أعتقد .. قلبي هو أبرز مطامحك
اللي يبيع .. الناس .. لجله .. يصونك

تعبت اسوق الشوق يمك .. وأصارحك
أخلصت لك بالحب .. شوفت عيونك

لكن خسارة صرت .. غاية مصالحك
ياليتني ما جيت .. لحظه .. بكونك

بالأمس .. كنت بنشوة الحب أمازحك
أخيل برقك .. وأتحرى .. امزونك

واليوم من صفحة حياتي .. أبمسحك
هديت صرحك .. ثم طاحت .. اركونك

ولابي عيوني لو تصورت .. تلمحك
أعلنت موتك .. وانسجن لي .. كفونك

وإن جيت تطلب .. ترتجيني .. أسامحك
بهديك طعنة .. من بقايا .. طعونك ..!!

تحيــــــــــــ ـــــــاتي