|
علامك منت طايقني......... ..! بعد المحبه , علامك مانت طايقنـي ؟ وانا على خبرك أشواقي هي أشواقي اسلوبـك اليـوم يقتلنـي ويحرقنـي سؤال ؟ ابسألك وين اسلوبك الراقي ! حتى كلامك معـي بلحيـل مقلقنـي والشك في داخلـي ماعـاد ينطاقـي ان كان قصدك تقول إرحل وفارقني ! برحل ولكن مصيـر الحـي متلاقـي وان كان قصدك تغلا وانت عاشقني ؟ ابشـرك ماتغيـر شــي بعمـاقـي وان كنت تمزح ؟ أمانه معك روقنـي تراي مكسور خاطر وانكسر ساقـي بس بصراحه , من الآخر وصدقنـي صدمتني واستراحت . هقوة الهاقـي ياليتك تحـس بحسـاس ٍ مضايقنـي وياليت تقرى كلام ٍ داخـل احداقـي حلمك منول ! فـي هالدنيـا تحققنـي واليوم في بحر غدرك ناوي اغراقي ! والحظ الاقشر يوم إنه فيـك علقنـي خلاني دايم علـى شوفتـك مشتاقـي علمتني كيـف ( أحبـك ) لاتوهقنـي علمني ( أنسى ) ولا تستكثر الباقـي كنت احسب إنك اذا جيتـك تعانقنـي أثريك لا طايق ٍ شوفـي ولا إعناقـي ( منقول) |
وان كنت تمزح ؟ أمانه معك روقنـي تراي مكسور خاطر وانكسر ساقـي كلمات جميلة تسلمين ندى الورد هذه من اشعارك ندى |
الله يسلمك اخوي ابو نواف الجميل مرورك والقصيده ليست من تأليفي بل اعجبتني ونقلتها لكم |
ان كان قصدك تقول إرحل وفارقني ! برحل ولكن مصيـر الحـي متلاقـي وان كان قصدك تغلا وانت عاشقني ؟ ابشـرك ماتغيـر شــي بعمـاقـي صح اللسانك . القصيدة تجاوزة العذوبه تقبل مروري لصفحتك |
رائِعَة للشاعر .. فهد الديحاني بها الكثير الكثير ، تشبِه المحيط كلما خرجنا من فكرة أدخلتنا التعابير لأُخرى رائعة وأكثَر . كل الوِّد لكِ ندى الورد . http://www.shathaaya.com/vb/images/smilies/i.gif |
صح بدنك اخوي حفيد نورتني |
تسلمين خيتو حبه كرز اشكرك على ذكر اسم الشاعر لاني كنت ابي اعرف منهو يعطيكِ العافيه نوتي |
رووووووووعه الكلمات وربي صح السانك ندى يسلموووووووو وفا |
اقتباس:
الــ مايبانا مانباه |
ندى الورد -- اللي يبينا عيــّت النفس تبغيه - واللي نبي عيــّا البخت لا يجيبه .. تسلمين على الاختيار الرائع |
ندى الورد نقل أدبي مميز جدا يدل على ذائقة جميلة مودتي إيمان |
رد: علامك منت طايقني......... ..! صح لسانك ولسان قايلها |
| الساعة الآن 06:21 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..