|
رديــــــــــه شاعر الاندلس والفنان خالد عبدالرحمن,,همس السلام عليكم ورحمة الله وبركاته ,,,, اليوم جايبه لكم الرديه اللي كانت بين الشاعر ناصر القحطاني الملقب بشاعر الاندلس. والفنان خالد عبدالرحمن,,,ونز لة بالاسواق على شريط وتعرض من فتره لاأخرى على قناة الساحه الرديه كلمات : ناصر القحطاني الحان : خالد عبدالرحمن ناصر سلام و المركب عليـه اثنيـن و الساعـة تـدور و الموج هادي و الوعد قـدام و الرحلـة ذهـاب أن غابوا الأجواد ما غابوا من أقفـاص الصـدور دق الجرس و العلم عجل به بعـد طـول الغيـاب خالد يا مرحبا يا صاحبي وأعبـر بنـا سبـع البحـور علّي أديـر البوصلـة و أنـت الله الله فالزهـاب أنـا سمعـت أنـك تحديـت الذيابـة و النمـور و العام لك قلب خضر و اليوم مـا كنـك شبـاب ناصر الوقت قاسي و الفتى يبقى علـى الشـدة صبـور و أن ما غدا الرجال ذيب يطيـح بأنيـاب الذيـاب حتى الصديق الله وكيلك صـار دمـه مـا يفـور و أنا لقيت الأصدقاء معظمهـم أشبـه بالسـراب خالد لا تأمـن الدنيـا و لكـن لا يجـي قلبـك فتـور أحد يشوف أحلى البنات و لا يجـي فيـه انجـذاب ما للحباري في القنص يا كـود هـدّات الصقـور و أن ما كفخ طير الفضا معناته أن الراس شـاب ناصر كلش و لا قطع الرجا في الطيبـات مـن العطـور لكن علـى شـرع الله و سنـة نبيـه و الكتـاب بيض العذارى عسجديات الجسد ضمـر الخصـور سود العيون مجـدلات الـروس تلعـات الرقـاب خالد بالله قلي مـا بـرى جرحـك بعـد بـدر البـدور ما عوضوك الفاتنـات الذاهبـة و الجـرح طـاب كم واحـد لـو مرتـه مزيونـه بعمـر الزهـور ضاعت علومه و الصواب الله يجيبـك يالصـواب ناصر أحد على الدنيا وهو كنـه مـن أصحـاب القبـور و احد يجي و يروح مع خله وهو تحـت التـراب ياللي نسيت أن الهوى يبقى علـى مـر العصـور بنشدك عن برقٍ سرابك و أنت من فوق السحـاب خالد معلّمـك يـا صاحبـي بالسالفـة و العلـم نـور وش بك تقول الشمع ذاب الشمع مـا يمديـه ذاب و البارق اللي مرني و أنا أدعـي بقلـب شكـور هذاك خير طاح بأرض الغيـر و الـرب أستجـاب ناصر وش بينك و بين المدينة و الشـوارع و القصـور ما قد شبعت من الخلا الخالي و من روس الهضاب الناس ما تبطي ولـو راحـت مراويـح الطيـور ترمي تعبها في البيوت و تستريـح مـن العـذاب خالد البر يشرح كل صـدر و يقلـب الضيقـة سـرور و أنا إلى جيته يمر الوقت ما أحسب لـه حسـاب يا ما حلا طوي الخبوت و سجة الخاطـر شهـور ولا معك غير النشامـي اللـي يعـزون الجنـاب منقول ودمتوا |
والله دايم اشوف هذي الحلقه من محاورة ناصر القحطاني وخالد عبدالرحمن ومرة حلوة محاورتهم يعطيك العافيه همس على النقل الجميل |
اقتباس:
منور بمروك العطر ودمت |
البر يشرح كل صـدر و يقلـب الضيقـة سـرور و أنا إلى جيته يمر الوقت ما أحسب لـه حسـاب يا ما حلا طوي الخبوت و سجة الخاطـر شهـور ولا معك غير النشامـي اللـي يعـزون الجنـاب همس صح لسان الشاعر ناصر القحطاني ( شاعر الاندلس ) ولسان خالد ملحن الردية وملقيها ولسانك انتي على النقل الجميل الحقيقة ان فكرت ناصر القحطاني جدا جميلة وعلاقته بخالد قديمة واحسن الاختيار وايضا طريقة تنفيذها وفديو الكليب اجمل |
اقتباس:
بس الاجمل من كل اللي ذكرت مرورك العطر هنا ودمت |
| الساعة الآن 09:25 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..