مجالس الرويضة لكل العرب - خلونا نسرح شوي!!

نسرح شوي و نتخيل تصير مدارس الثانوية مختلطة مثل امريكا و المانيا وغيرها .....

أيش تتوقعوون بيصير

؟؟؟؟؟

أنا بقلكم شنو بيصير .... طبعا البنات لهم سوالف و الشباب لهم سوالف ثانية

تعالو نحش بالبنات اول و نشوف شنو بيسوون

البنات : : :

1- انواع التسريحات تقول عروس ما هي مدرسة ولا جامعة

2-أنواع الشنط و الجواتي تقول محلات ملابس

3-أنواع المكياج تقول لوحات رسم

4-و تبدأ البنت تردد:يمة بروح لزميلي عندي درس

5-فواتير التلفون توصل للآلاف

6-ماسكة السماعة وامها تسألها من تكلملين؟...ترد :يمة والله آخذ الواجب من زميلي

7-كل وحدة تكون درجة نعومتها عالية جدا و تصيح على أقل كلمة تقولها المدرسة

8-يمكن للشباب الإستغناء عن قنا (فنون)و (أل بي سي ) ومشاهدة آخر صرعات الدلع في الصف

9-انتار داء الغيرة خاصة ان كل طالبه تسعى للحصول على الطالب الأجمل

10-كل البنات بينجحون لأن الشباب بيغششونهم

11-ما يحتاج البنات يدخلون ببراشيم.. الشباب موجوديين

12-الغاء حصة الرياضة و تبديلها بحصة المكياج او الموسيقى

13-يكثر تواجد الخدامات لتوصيل الشنط من السيارة للصف

14-لا يوجد فكرة تدعى بالرسوب

لا تفرحووون يالشباب جاكم الدور

الشباب:::

1-بتقل نسبة الغياب إلى 99%

2-تنتهي أيام النذالة و عدم تسليف البرايات و الأقلام...إلخ

3-كل الطلاب يجلسون بآخر الفصل .. ويقولك الأخ lady first ما ادري متى جاهم الأدب

4-الطالب بيسأل زميلته عن الواجب و بقدرة قادر توصل المكالمة لساعة

5-كل واحد بيطيح قلمه تحت كرسي وحدة وهو يجيبه -يزداد التواصل والكرم الزائد

6-كل واحد سيارته احلى من الثاني و يتنافسون منو الأكشخ

7-تخيل المذاكرة ايام الإمتحانات و أبي اذاكر عند زميلتي

8-كثرة الأدب و الإحترام بين الشباب و تغير مسميات حمود و عبود و خلود إلى بو جاسم و بو وليد و بو سلطان

9-يكثرون الشعراء في الفصل

10-تشم كل انواع البخور و العود وآخر العطورات كل حصة

11-محد من الشباب يعلق صور سيارات ولا شعارات أندية

12-كل الشباب فجأة يصيرون مؤدبين ما يرحون البحر ولا مارينا ولا الشيشة وكل طلعاتهم من المسجد للبيت ومع الأهل

13-ل واحد يكتب رقمه و ايميله على الطاولة بدل اسمه

14-المدرسون يكونون سعداء لأن الطلاب داما حافظيم الدرس و كاتبين الواجب علشان ما يكلون زفة قدام البنات

15-تكثر العزائم على الفطور بالفرصة

16-بينزل شي خيالي بالكشخة و الهيبة بين الشباب

واااااوالحين كلكم قاعديين تتمنون يصير مدارس مختلطة