|
وين انت وين انت ياللي فرحتي بين اياديك الشوق يمك دايمن ماتعداك ياورد ياريحان وشفيك وشفيك يازين مني قول وشجاك وشجاك ليه الغياب القلب بالحيل هاويك وبين الضلوع العوج يازين مبناك هاض الضمير وصاح شوقن يناديك وملت عيونن تنتظر دوم لقياك يامبعدن عني وانا حيل مغليك قلبي على حسن النوايا تمناك ودي امتع عيني ابشوفتن فيك يازين وينك وينك ووين دنياك هاجوس قلبي دايم الدوم يطريك وبكل لحظه يطري القلب ذكراك ليتك تحس ابقلب منهو يحاتيك ليتك تحس ابواحدن حيل يهواك لو طالت الغيبه فلاني ابناسيك انساك والله مستحيل اني انساك اليا متى والبعد يازين طاويك اليا متى والعين بس اتحراك بالعين والله مافي احدن يساويك ارجع تراني مقدر انسى حلاياك ارجع لمن بالود والعشق ناويك ارجع لمن يفداك بالروح يفداك يازين لاتنسى سوالف مباديك يومك بديت ابهرجك العاطفي ذاك طلال الصواغ |
رد: وين انت كفيت ووفيت لاعدمناك صح لسانك مـدد بلا عـدد ابيات فاقت الابداع لاسيما من شاعر اعتدنا جزالة حرفه وتميز نظمه عوآآآآفي ~ |
رد: وين انت سمو الذوووق يسلم يمناك وصح السان شاعرها كاعدتك ماتجيب الا الذوووق |
رد: وين انت كم هي راائعه ابيات القصيدة ... لاهنت والله على هذا الانتقاء العذب والجميل ... فشكرا لكــ على طرحة هنااا ... وسلمت يداكــ وصح فكركــ ... فقط كون بخير ولا تحرمينا المزيد من ذوقكــ ... لكــ التحية والاحترام |
| الساعة الآن 04:30 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..