|
رد: هل يمكن أنا قول بأن مجالس الرويضة تتصدع أعمدته اقتباس:
انت طرحت موضوع تعاتب فيه الاعضاء وتقول (نبدأها ببسم الله الرحمن الرحيم في الأيام السابقة كان منتدى مجالس الرويضة ليس مجرد منتدى كانت هناك مناقشات قوية ومفيدة جدا جدا وكانت مواضيع لايستغنى عنها والان بالأيام هاذي أصبح العضو كما شاهدت بكل الأقسام يكتفي بكلمة شكرا أو يعطيك العافية وأصبحت المواضيع أغلبها منقول حتى العضو مايقراه قبل ماينقله بس أريد منكم ياكرام بأن يصبح المنتدى ليس تشاركوا فيه من أجل رفع مشاركات أو شعبية بل أريده وكل يريده فوق وفوق أرجو التخفيف من الردود التقليدية ونقل الموضوع ولا تتعتبرو أن موضوعي هذا للتقليل من ماكنة المنتدى وطبعا هذا أمر أنا طرحته فقط من أجل مصلحة منتدانا العزيز مجالس الرويضة والسلام عليكم ورحمة الله وبركاته ) والان انت تقول( يمكن انا ماابغى احط مواضيع ولا مشاركات والمشاركات هي الردود على الاعضاء وتضيف : أنتم ما تمشون العضو على كيفكم .) من قال لك انا نمشي العضو على كيفنا ردي عليك واضح لو رجعت له المنتدى فيه من جميع الاعمار والاجناس والرغبات ولا يمكن ان نجبر عضوا على الرد المتكامل فموهبة الكتابة ليست فطرة تولد مع الطفل وتكبر معه والدليل ان ردودك على مداخلات الاعضاء اختلفت عن صلب الموضوع وبدأت بالتوهان يمين ويسار وذلك لفقدانك موهبة الكتابة والاّ لما اكتفيت بالقراءة فالموهبة تجعلك لا شعوريا تطرح مواضيع وتناقش وتقابل الحجة بالحجة .!!! وتضيف في احد الردود (واسمحلي أقول لك إن تفكيرك بالأمر هذا غلط إن حريص وماحريص يعني العضو مو مسجل إلا في منتدى مجالس الرويضة مو معقوول أبدا لأن هذا أمر فاشل جدا لأن يجب عليه التوسع ) طيب وين ردودك على الاعضاء وفق توسعك في عالم المنتديات وأين اطروحاتك المفيدة واللي تريد الاعضاء يقتدون بك فيها وعندما نريد من العضو الاقتداء بنا علينا ان نكون قدوة اولا بردودنا ومواضيعنا حتى يقتنع العضو ويقول والله (العميل السري ) معه حق شوفوا وشلون مواضيعه وقوتها ووشلون ردوده ومنها يستفيدون . اتمنى المناقشة العقلانية وليس التناقض في الردود حتى نعرف ماذا تريد من العضو في مجالس الرويضة وانت من يقول ما تمشون الاعضاء على كيفكم وتبغاكم يمشون على كيفك ؟!!! اكثر من القراءة وحاول تطور مهارة الكتابة لديك - دمت بخير |
رد: هل يمكن أنا قول بأن مجالس الرويضة تتصدع أعمدته اقتباس:
7 7 والشي اللي مايعجبني بصراحه هو ان فيه اعضاء في المنتدى مايستاهلون ومو كفو مواضيع تنكتب ويتعب عليها المنتديات معاد فيها ناس فاهمه الا من رحم الله ^ ^ ^ اشوف ان كلامي واضح لكن لابد من التوضيح اول شي ما قلت اعضاء المنتدى كلهم قلت فيه اعضاء مايستاهلون ومو كفوا مواضيع تنكتب عشانهم ماقلت مو كفو صديقة القلم تكتب عشانهم وبالنسبه لقولي(( والشي اللي مايعجبني بصراحه هو ان فيه اعضاء في المنتدى مايستاهلون ومو كفو مواضيع تنكتب ويتعب عليها المنتديات معاد فيها ناس فاهمه الا من رحم الله)) شكلك فسرتها غلط يا أستاذ محمد الأعضاء اللي انا اقصدهم مو الاعضاء اللي مايفهمون بالكتابه الاعضاء اللي انا اقصدهم اللي يفسرون كل شي تحطه على كيفهم حطيت موضوع من كتابتك مايقولون انه يكتب من ما في خاطرهـ مايقولون يكتب اشياء صادق فيها يقولون يكتب عشان ياخذ التميز يكتب عشان يرز نفسه عند الاداريين يكتب وهو من جنبها يكتب يبي يقهر العضو الفلاني يكتب يقصد العضو الفلاني هل ترا ان هذولا الاعضاء يستاهلون انك تتعب نفسك على شانهم اتمنى ان معنى كلامي وصل وتفهم انه مو غرور مابعده غرور ياليت يكون فيه تأني قبل الحكم على الشخص اسفه لاني ماقدرت اوصل كلامي اللي قبل بطريقه صحيحه لاحظ اني ختمت كلامي بكلمة السلامه تنشرى وهذا هو الدليل على انو توضيحي صحيح وماتقولون اني الف وادور واغير معنى كلامي |
رد: هل يمكن أنا قول بأن مجالس الرويضة تتصدع أعمدته محمد السهلي والله انك حاط ردود يعني بكلمة تكفي بعدين تقولي أنا رحت يمين ويسار قصدك برا حوار الموضوع .. طيب ليش ماقلت الكلام هذا للأعضاء إلي ردو رد ولا بيم الموضوع وبعدين تقولي ان ماعندي موهبة بالكتابة ليش يعني لإني ماأكتب باللغة العربية الفصحى مثلك ياأخي الفلسفة مالها لزوم يعني علشان طلع نفسك موهوب بالكتابة لازم نتفلسف زيادة عن الازم يبن الحلال اذكر الله |
رد: هل يمكن أنا قول بأن مجالس الرويضة تتصدع أعمدته يا العميل السري كلمك كله موب صحيح يعني وش تبينا نكتب ولا تبي نحط له ورد وشكر وتقدير كله عشان ثلاث كلمات كتبه |
رد: هل يمكن أنا قول بأن مجالس الرويضة تتصدع أعمدته ألحين صارت المواضيع ثلاث كلمات يخوي لو عجبك موضوع ياخي لاتقصر بالرد لأن هذا يشجع العضو وبس تحياتي الحاااااااااااا ااارة |
| الساعة الآن 09:48 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..