مجالس الرويضة لكل العرب - ماطاح من عيني رجل طاحو رجـااااال

السلام عليكم ورحمة الله وبركاته
صباحكم / مسائكم ..
يعبق بالخير والفرح والمسرات

قصيدهـ اعجبتني كثير أحببت طرحها لكم ..

.
.

ماطاح من عينـي رجل ..!! طاحوا ..رجال ؟!

مـادمـت تنـشـد يارفيقي عن الحال
مالي على .. كتمانهـا عنك .. حيله

الصبـر عن بـوح الاحاسيس قتًـال
والبـوح في بعض المواااااقف ، فشيله

لو كل مايطـري على البـال ينقال
ماكان شفت ان الثقيلـه .... ثقيلـه

ابطيت اكافـح ضيقة البـاااال بالبـاااال
وادفع بلا .. هاجوسهـا كل .. ليله

ليـن اقبلت مثل ... السحابه بهمـال
تشفي غليـل اللي ..... تزايد غليـله

طااااحت ، ولاْوفق من حنـاياك منـزال
وابطلبك ... يابدر ( تكمى ) المخيله

ان قيل ترعـد .. قلهم : صوت زلزال
وان قيـل تبرق .. شف لهـا ادناة حيلـه

ماااااااابي .. تناقلهـا هـل القيـل والقـال
وتصيـر من بعد القصيره .. طويلـه

يـابدر .. ماني عـال .. لو صحتي عـال
شفني مـن الصدماااااات نفسي عليلـه

اشيل حمـلٍ .. لو يشيلنـه .. جبـاااااال
الله ، وامانه .... غيـر تصبـح نثيلـه

أرمي .... من هموم الزمن واسحب أدبال
وانـزل عن ( الجوكـر ) وغيري يشيلـه

من كثر ماشفت بحيـاتي من انذال ...!!
بديت اشك ان النذاااااله ... فضيلـه

ماطاح من عيني رجل ..!! طاحوا .. رجال
ورجااااااال ( يابن الاجواد) ماهي قليلـه

اقـرب من اللـي قالهم ضمن مـاقاااال ..
راكـان بن حثلين .... راعي الجزيلـه

( هذا .. ولـد عمٍ ، وهذا ... ولـد خـال
وهذا .. رفيقٍ مالقينـا .... بديله )

سبحان منهو يابدر غيّـر الحال ..!!
وحط الجفا بين الخليل .... وخليله

هذا الزمن يبغالـه .. لسان دلاّل .. !
من يستحـي هالوقت .. واعزتي له

وقتٍ به ( الـراعي ) غدى .. راعـي دلال
كلٍ على طاريه .. ينفض شليلـه ..!!

ومن كان ساسه للـردى مضرب امثاااال
اليوم .. يحسب من كبار القبيله ..!!

المال .. يابن الاجواد ملعـوووون .. ابو المال
.. ذل العزيز .. وعـز .. نـاسٍ ذليله ...!!