|
قصيده مدح في قبيلتي ياجاهلٍ بالنـاس نعطيـك تزويـد تزويد فـي علـمٍ يفـك النشابـه حنـا عتيبـه مـا علينـا مناقيـد سقـم المعـادي لابغاهـا طلابـه اعيال رجلٍ ما يبـي منـك تأكيـد رجلٍ عتيبـي مـن قبيلـة عتابـه حـرٍ حكيـمٍ ورّد العـز تـوريـد طيّب ولا سكّر عن الضيـف بابـه يشهد لنا كـل الرجـال الصناديـد احـرار وعيـال الذيابـه ذيـابـه ولا انت تشهد في كـلام المياليـد يالجاهل اللي ما حسبنـا حسابـه ماهمنا في مـا يقـول الحواسيـد الحـر بيّـن والذبـابـه ذبـابـه وان كان تسمع ماحكى زيد واعبيد البعد مـا يلغـي صـلاة القرابـه حنـا عتيبـه طايليـن السواعيـد حنا الذي تفخـر بنـا كـل لابـه حنا الشجاعـه والوفـا والتقاليـد حنا الكرم والجـود حنـا زهابـه حنا الجبال الشامخـات الجلاميـد حنا نجـومٍ فـوق هـام السحابـه وانا ولد من هو يصون المواعيـد انـا عتيبـي مـا نفتنـي شبابـه انـا كبيـرٍ مـن كبـار الحماميـد شاعر وعالم في علـوم الخطابـه اعير سمعي للـذي يطـري البيـد ذكـر البـدو ولاّ بذكـر الصحابـه وادري زماني فيه نـاسٍ حواقيـد وافعالهم تشبـه لفعـل العصابـه يوم الورق اصبح كبير الشواهيـد يشهد لغيري بالاصـل وانتسابـه مامامتوا اللي يعرفـون الاجاويـد حتى ولو كشّر لنـا الوقـت نابـه انخى بن ربيعان وانخى بن احميـد اللـي لهـم بيـن الاوادم مهابـه شيوخ قومٍ شوفهم يجلـب العيـد نفخر بهم فـي سلـم ولاّ حرابـه وجهٍ به المعروف مابـه تجاعيـد للقلـب يجلـي ضيقتـه واكتئابـه اشكي لهم حالـي وكلـي تناهيـد والحـر لايمكـن يغيّـر ثيـابـه حطوا على وضعي من الضيق تقييد حرٍ ولكن مـا وصلـت السحابـه ودي اطيـر لشوفكـم دون تحديـد واشرح لكم جـرحٍ يزيـد التهابـه جرحٍ من ضروف الزمن دايم يزيـد ونفسٍ يضيق ابها الفضا والرحابه وقفاتكم فخـرٍ وللجـرح تضميـد نخيتكم والقلـب ينـزف صوابـه الشاعر ( جراح مناحي خلف الحمادي العتيبي ) |
رد: قصيده مدح في قبيلتي روووووعة ويعطيك الف عاااافية |
رد: قصيده مدح في قبيلتي كفو ياعتيبه صح لسان قايلها وتسلم انامل ناقلها |
رد: قصيده مدح في قبيلتي قصيده في قمه الروووعه تسلم ايدك عالطرح |
رد: قصيده مدح في قبيلتي تسلموووون حبايبي ع مروركم العطر بصفحتي... |
| الساعة الآن 02:21 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..