|
ماكل من يضحك سعيد بدنياه .. ياويل قلبي كل مااشتقت لقياه وشلون ماتشتـاق عيني لعينه أنا أدري إني حيـل أحبه وأهواه وأنـا أدري إن القلب صـار بيدينه أمـوت أنا بـه في غـيابه وأحـياه وشلون أجل لوصافحتني يمينه حاولت أنا اكتم عبرتي يوم فرقاه وألملم جروح الزمان الطعينه واعطيه من قلب المعنّى معاناه وآخذ من جروحه ولو هي دفينه وأضيع به في زحمة الناس وأنساه وأنسى معه ذكرى السنين وحنينه لقيت نفسي كل ما حل طرياه عروق قلبي كلها تقول وينه يامر على قلبي ولا شك ينهاه كلي أنا تحت الإشارة رهينة ما كل من يضحك سعيد بدنياه وما كل من يبكي دموعه حزينه أحدن بكى والكل يدري عن بكاه وحدن مع الضحكه تحس بونينه ياآإآشين فرقى الحب وياشين بلواه والمشكلـة دنيا بلا حب .. شينه والزين ما يكمل ولو كان ماحلاه إلا حـــبيبي ماتغيّـــر بزينـــه .. ماجيت أسولف عن حلاه ومزاياه يكفي أحاسيسي وقلبي عارفينه كن الفضا في غيبته ضاق مسعاه وكني غريق ينتظر له سفينه شف دنيتي ياصاحبي عقب فرقاه مثل الظلام اللي حصل بالمدينة باكتبه أنا في صفحة الشعر واقراه وباذبحه بزود الغلا دون سكينة وبارسمه في لوحة الشعر وانعاه وبادفنه بين الضلوع الحنينه بوسط الحشا في داخل الصدر مثواه إما يسار القلب وإلا يميينه |
رد: ماكل من يضحك سعيد بدنياه .. يعطيكِ العافيه |
رد: ماكل من يضحك سعيد بدنياه .. اقتباس:
الله يعــافيكـ مشـــكور على المرور,, |
رد: ماكل من يضحك سعيد بدنياه .. اقتباس:
كم هي راائعه هذي القصيد.. لاهنتي والله على هذا الانتقاء العذب والجميل ... فشكرا لكــ على طرحة هنااا ... وسلمت يداكــ وصح فكركــ ... فقط كوني بخير ولا تحرمينا المزيد من ذوقكــ لكــ التحية والاحترام .. دمتي بوود.. |
رد: ماكل من يضحك سعيد بدنياه .. روعه سلمت يمناااااااااك |
| الساعة الآن 04:46 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..