(( الخطوط السعوديه ))

انا ماذبحني كود غـروٍ عليـه الكـاب

على كابها رمز الخطـوط السعوديـه

ألا ليتني كبتن ولانـي مـن الركـاب

أخاويه في الروحه واخاويه في الجيـه

وسيع العيون اللي هدب عينهـا جـذاب

زعيمه عـذارى والملامـح خليجيـه

ألا جل من خضب يديها بدون خضاب

عطاها الولي من روعه الزين ماريـه

أبطمنه وابقنعـه كـان هـو مرتـاب

وابقضي معه رحله وجولـه سياحيـه

وننزل سوى في ديـرةٍ مابهـا نـواب

أهلهـا خليطـي والديانـه مسيحـيـه

ديار الجمال اللي غشى جوها السحـاب

سماها مغيـم تمطـر شويـه شويـه

وفيها البنات البيض مايلبسـن حجـاب

وفيها الشباب بـدون غتـره وطاقيـه

إذا صار مالك في البلد عزوةٍ وأصحاب

وسكانها مـن كـل جنـسٍ وجنسيـه

أبمشي بها عرض واسوي مالذ وطاب

وأبكتب عليها زوجـةٍ غيـر شرعيـه

للشاعر سلطان بن حسن العتيبي

سلطان

اليوم وين طحت على اشعار ابو حسن

ربي يعطيك العافية

وصح لسان سلطان العتيبي

اختيـار رائـــــــع
الله يعطيك العافيــــــه ..

هلا بك سمو كان لي اتصال معايده باخوه مسلط وسئلته عن قصائدهم ودلني عليها واحببت ان تشاركوني قرائتها
شاكر لك مرورك يا غالي

الفجر البعيد

شكرا لك خيتي على المرور العذب و الجميل

يسعدني دائما تواجدك