|
محاورة بين الشاعرين عبدالله بن سيف والسعيدي في الرويضة محاورة بين الشاعر عبدالله بن سيف السهلي و الشاعر السعيدي في مدينة رويضة العرض عام 1403هـ السعيدي: سلام الله عليكم ياهل المعروف رديه=من البال الوسيع اللي يغني بالهناديبي عسي يسقي الرويضة من حقوق الوبل وسميه=من السرداح إلي عروى تضيق به المحانيبي أبن سيف: الا يا مرحبا في مرحبا نار العرب حيه=وانا وياك يارجال في حفل المعازيبي يقولة شاعر ما ياخذ الامثال عاريه=واشوف الناس تفرح كل ماجوها الاجانيبي السعيدي: انا وياك في وسط المعارك روحه وجيه=ولا تارم لغابيبك ولا تارم لغابيبي وري ماجبت راعي الخيل من وسط القصوريه=الا ياحيسفا يالقرم ضيعت المكاتيبي أبن سيف: أنا وياك في نية وبعض الناس في نيه=سوالفنا نبيها بيننا ضبط وترتيبي سوالفنا نبيها نيننا دايم نظاميه=ولا نبغي سلاح ولا نفكر بالمشاعيبي السعيدي: الايالله يالمطلوب ياعلام مافيه=الا ياراحم ثومة فواد به لواهيبي أحسبك بيتروح له مناجيب ومريه=تقدم يالامام اللي تصلي بالمحاريبي أبن سيف: أنا مانيب يالشاعر مثل ناس قصاويه=اخل الناس فيما تشتهي طيب على طيبي ترى لاهل الموده والغلا ياسعود ماريه=اقوله وانت توحي والعرب ياسعود توحيبي السعيدي: أنا لي نية وحده وله خمسة عشرنيه=وأنا لولا الحيا حفرت له حفر وسراديبي ترى أحد حصل الاحسان وأحد حصل السيه=حلالك وسط جيبك وأنا مصروفي بجيبي أبن سيف: انا برسل عليك اليوم قوات هجوميه=توقع يالسعيدي من عطيبين المضاريبي ترى عندي بها الميدان شبان نداويه=اقول وأنت تدري وأنت حمال المواجيبي صح لسان الشاعرين على المحاورة الجميله وان شاء الله استمتعتو مع هذي المحاورة |
مشكور يا تركي الشاعر عبدالله بن سيف السهلي شاعر محاوره من الدرجة الاولى رحمه الله ما قصرت اخوي تركي |
الله يرحمه الشاعر عبدالله بن سيف الله يعطيك العافيه والف شكر على مرورك |
تسلم تركي على المحاورة والله يرحم الشاعر عبدالله ويرحم جميع موتى المسلمين |
الله يسلمك يابو تركي وشكر على مرورك الكريم |
عسي يسقي الرويضة من حقوق الوبل وسميه=من السرداح إلي عروى تضيق به المحانيبي يعطيك العافية اخوي على الموضوع ورحم الله الشاعرين واسكنهم فسيح جناته |
الله يعافيك عبدالله فيصل وشكر على مرورك |
يعطيك العافية اخوي تركي على هالموضوع والله يرحم الشاعرين ويسكنهم فسيح جناتة |
ياسلام محاوره عال العال اعتقد هذه المحاوره كانت في مناسبة زواج في الرويضة عام 1408 ان لم تخنى الذاكره شكرا اخي تركي |
يعطيك العافيه ياغالي عل أطلعنا على المحاوره الرائعه ننتظر المزيد من مواضيعك الجميلة دمت بخير |
يعطيك العافيه تركي على المحاورة الشعريه الجميله والله يرحم الشاعرين ويسكنهم فسيح جناتة |
لاهنت اخوي تركي على المحاورة الرائعة والله يرحم الشاعرين |
تحية واحترام للجميع هنا تسجيل حضور واستمتاع واعجاب يسلمو كتير دعــــــــــ الروح ــــــــــاء |
الله يعافيكم والف شكر على مروركم الكريم |
الله يرحم شاعر السهول الكبير عبدالله بن سيف رحمة واسعة وابو سعود شاعر لايشق له غبار وانا من المحبين له وبشدة وفي شعرة وفي صرحته وانا ادين لهذا الانسان بالفضل علية و بتوجيهاته ولقد استفد منه الكثير في مجال الشعر ومشكور ياتركي على النقل وبيض الله وجهك |
مشكور أخي تركي للنقل الأدبي الجميل المحاورات من المساجلات الجميلة بين شعراء النبطي كل الود لقلبك إيمان |
اخي تركي محاوره جمليه تدل على تمكن الشاعرين وننتضر جديدك |
| الساعة الآن 07:55 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..