| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
21-09-2009, 11:21 AM
| |||||||||
| |||||||||
قصيدة (( الزاهده )) للشاعر / مسلط بن حسن العتيبي
وهذه القصيده موعظه تتحدث عن أحوال الدنيا والآخره وعذاب النار وعذاب القبر ونعيم الجنه ونصيحه لكل غافل عن عبادة الله سبحانه وتعالى0 اللهم نجني وأياكم من عذاب النار وعذاب القبر وأرزقنا الجنه ونعيمها .........آمين وإليكم القصيده : (( الزاهده )) يقول مسلـط يـا أولـي الأ لبـاب يدير الفكر والـرأس عنـده شـاب يدير الفكر في حال نـاسٍ تغيـروا خلـوا عبـادة ربـنـا الـوهـاب يلهـون فـي دنيـاً تراهـا مغـره لذاتهـا باكـر تـجـي ســراب عقـب المعـزه والفخـر والهيبـه بيوتهـم عقـب العمـار خــراب الرابح اللي عنده أعمـال صالحـه تـراه فـاز وفـي حياتـه طـاب أبطلـب اللـي ماتعـدد فضايـلـه نرجيـه واللـي يطلبـه مـاخـاب يالله أنا طالبـك عفـوك ورحمتـك يامعطـي الجنـه بـدون حسـاب إنـك تثبتنـا إلـى زلـت الـقـدم وتغفر ذنوب العبـد لا مـن تـاب والموت لا من جاء ماأحـدٍ يـرده يجـي كبيـر السـن والشـبـاب يجيك لـو إنـك بقصـرٍ محصـن ويجيك لـو إنـك علـى المرقـاب لامت ثـم فارقـت أهلـك ومالـك ماعـاد تنفـع عنـدك الاطـبـاب لاصرت في قبـرٍ ظلامـه يوحـش مافيـه لا عيـشـه ولا شــراب مافيه غير الـدود وسطـه يجتـول ونصايـب ولبـنٍ عليـه تــراب تسمع قريـع نعالهـم مـن فوقـك لا قفّـوا الـخـلان والاصـحـاب إذا سأل مـن هـو نبيـك وربـك المسلـم الصـادق يقـول صـواب والكافر المشرك يقول هـاه مـدري ويقـول ماعنـدي عليـه جـواب ثم ضرب ضربه يسمعه من حولـه ومن قـو ضربـه تجفـل الـدواب والقبر روضه من ريـاض الجنـه وإلا حفـر مـن حفـرة الـعـذاب لاجيت في يـوم يهيـل المرضـع وحفظـت أعمالـك كلهـن بكتـاب ماتنفـع أموالـك ولاينفـع الخـدم وماينفعـك جاهـك ولا الأنـسـاب والناس لاحشـروا يـوم القيامـه يـوم عظيـم مابـه أحـدِ غــاب يوم عظيمٍ تدنـو الشمـس منهـم فـوق الخلايـق كنهـا المشهـاب أحدٍ وصـل فيـه العـرق للركبـه وأحـدٍ غـرق للأبـط والأرقــاب وعرضوا على نار تلظى سعيرهـا الكـل خايـف منذعـر مـرتـاب وضع السـراط وكلهـم عابرينـه ينجـا منـه مـن إهتـدى وآنـاب أحد بسرع البـرق وأحـد يمشـي واللـي وقـف جـروه بالمخـلاب عليهـا ملائكـة غـلاظ شـديـده فـي يدينهـم سلاسـل وإحـراب أهـل جهنـم فـي عـذابٍٍ دايــم مخلـديـنٍ مـالـهـم مـجـنـاب نارٍ حطبها الناس هـي والحجـاره وقـودهـا للكافـريـن عـقــاب وأهل الجنان الخضر فـازوا فيهـا بالحور والسندس وخضـر ثيـاب وبيوت من لبن الذهـب والفضـه وأنهـار وخيـامٍ عليهـا أقـبـاب وشربوا من الكوثر شـراب طيـب مـن سلسبيـل بآنيـه وأكــواب وأشجار طوبى وفاكهـه ماتحصـى فيها ثمـر تيـن ونخـل وأعنـاب ماهيـب مقطوعـه ولاممنـوعـه أثمـارهـا كــلٍ لـهـا طــلاب أبنصح اللـي فـي حياتـه غافـل قبـل يمـوت وتسلـب الاسـلاب صل الفرايض كلهـا فـي المسجـد خلك مع أول من يجـي المحـراب ثم حج بيـت الله إذا كنـت قـادر مادمت حـي ومنفتـح لـك بـاب وإتق دعاء المظلوم لاقـام يدعـي تـرى دعـاء المظلـوم مستجـاب وأكل الرباء مثل الذي ينكـح أمـه تـراه مثـل الرجـس والأنصـاب ولا تأكـل أمـوال اليتامـى خلهـا إن كـان تبغـى الأجـر والثـواب وابوك وامك واجـب إنـك تبرهـم واسمـع كـلام الدايـم الـتـواب ولاتـقــل أ’فٍ ولاتـنـهـرهـم علـك تفـوز بصحبـة الخـطـاب ولاتقطـع الأرحـام يقطعـك ربـك خلـك وصـول تاصـل الأقــراب والجـار لاتنسـاه عطـه حقوقـه وفـه حقوقـه وأبـذل الأسـبـاب واترك كلام الناس والهرج في القفى ولاتتـبـع النـمـام والمغـتـاب خلك مع الصادق يدلك على الهـدى واتـرك طريـق الفاجـر الكـذاب واختامها مني صلاة علـى النبـي علـى محمـد سـيّـد الأحـبـاب الشاعر/ مسلط بن حسن العتيبي
 |
|
21-09-2009, 11:23 AM
| |||||||||||||
| |||||||||||||
|
رد: قصيدة (( الزاهده )) للشاعر / مسلط بن حسن العتيبي سلطان بيض الله وجهك صح لسان الشاعر مسلط وسلمت لنا يداك على النقل
|
|
21-09-2009, 11:40 AM
| |||||||||||
| |||||||||||
|
رد: قصيدة (( الزاهده )) للشاعر / مسلط بن حسن العتيبي ما عليك زود ياسمو وصح الله بدنك وسرني مرورك العذب |
|
21-09-2009, 06:18 PM
| |||||||||||
| |||||||||||
|
رد: قصيدة (( الزاهده )) للشاعر / مسلط بن حسن العتيبي صح لسان العتيبي وشاكره لك اخي سلطان وتقبل مروري
|
|
21-09-2009, 08:55 PM
| |||||||||||
| |||||||||||
|
رد: قصيدة (( الزاهده )) للشاعر / مسلط بن حسن العتيبي موون لا تزدان صفحتي إلاّ بمرورك العطر وردك العذب كل الود والتقدير يالغلا |
|
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| (( ياطير )) للشاعر / مسلط بن حسن العتيبي | سلطان الشوق | صهيل القصيد | 16 | 28-09-2009 03:03 PM |
| (( فتاة المملكه )) للشاعر / مسلط بن حسن العتيبي | سلطان الشوق | صهيل القصيد | 8 | 22-09-2009 03:11 AM |
| قصيدة (( الموعظه )) للشاعر / مسلط العتيبي | مسلط العتيبي | نشيد الروح | 14 | 28-08-2008 06:55 PM |
| هذه القصيده للشاعر / سيف بن محمد الشنيفي رداً على قصيدة الشاعر / مسلط بن حسن العتيبي | مسلط العتيبي | نشيد الروح | 13 | 28-08-2008 06:54 PM |
| هذه القصيده للشاعر / مسلط العتيبي موجهها للشاعر / سيف بن محمد الشنيفي | مسلط العتيبي | نشيد الروح | 10 | 22-05-2008 08:21 PM |
 |  |
العرض العادي
