|
(( ديرة خوالي وجدي )) للشاعر / مسلط بن حسن العتيبي أرتاح في ديـرة خوالـي وجـدي لو ماأهتني فيها من الـزاد مطعـوم خليتهـا يـانـاس مـاهـوب ودي شي مقـدر فـي حياتـي ومقسـوم يانـاس خلونـي لا أبيـح بسـدي وأقول شي داخـل الصـدر مكتـوم أبكي ودمعي سايـل فـوق خـدي على الديار اللي بها أطلال وأرجوم شوفي لها عن كـل شـي يسـدي وفـي حبهـا والله مانيـب مليـوم ودي بداري لكـن الوقـت ضـدي قاسي وغيره ضيقة الصدر وهمـوم الـدار داري غيـرهـا مانـبـدي ودي بها لو حالوا الفـرس والـروم والله ما أتركها وعنهـا مـا أشـدي ولو ساوموني فأرضها ما أقبل السوم بوصيك يالمرسـول ياللـي تـودي ود العلـوم الطيبـه دايـم الــدوم لأهل الكرم والطيب والعـود نـدي ذباحـة الخرفـان والفطـر الكـوم وقت الشدايـد والمحـن ماتصـدي فزاعة في الضيـق نطاحـة القـوم يا لا يمـي فيهـا تراهـا مـردي باعيش فيهـا دام ماقيـل مرحـوم |
رد: (( ديرة خوالي وجدي )) للشاعر / مسلط بن حسن العتيبي سلطان صح لسان مسلط وتسلم يدينك على النقل |
رد: (( ديرة خوالي وجدي )) للشاعر / مسلط بن حسن العتيبي صح الله بدنك ومن قال سالم ومشكور على المرور |
رد: (( ديرة خوالي وجدي )) للشاعر / مسلط بن حسن العتيبي قصيده جميله ومعبره مشكور سلطان وتستاهل التقييم |
رد: (( ديرة خوالي وجدي )) للشاعر / مسلط بن حسن العتيبي اختيـار رائــع لشاعر مثل مسلط يعطيك الف عافية |
| الساعة الآن 10:13 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..