{{ ® » صــرخــة ألــم « ® }}

الله واكبر من حيـاة (ن) عجيبـه

الله واكبر والغدر صـار عـادي !

كيف الخيانه من صحيب لْصحيبـه

يعني رفيقك صار هوّ المعـادي ؟؟

الرّجل لو يغـدر عـدوّه ,, يعيبـه

لكنّ يغدر في خشيره ,, يا هادي !!

هذي مصيبه من مشاكـل غريبـه

أصبح بها صوتي يصارخ ينـادي

صرخة ألم بين الضلوع الصّليبـه

ماتطلع الا من مصايـب شـدادي

طعنة ظهر يا كبرها مـن مصيبـه

اضعاف واضعاف الجبال الوتـادي

والطعنه اللي مـن قريـب لْقريبـه

أقسى وامرّ امن الصّحاب البعـادي

الجرح ينزف ,, مثل سيل بشعيبـه

والعمق مثل البير في وسْـط وادي

غير الهموم اللي بصـدري كئيبـه

همّ(ن) على همّ(ن) وجا ذا وزادي

هذا اقْدري والله يـودي ويجيبـه

مكتوب ومسجّـل وانـا فالمهـادي

وكل(ن) على دربه يحصّل نصيبـه

والفايز اللي يرضي ربّ العبـادي

اختيار رائع وهج
دائماً مميزة
تحياتي

حياك اخوي شرفني تواجدك

الله يكفينا شر غدر الصديق

لاهنتي وهج اختيار رااائع

امير حيااك اسعدني توااجدك