|
تلاقينا على الموعـد وهـذي عـادة العشـاق تلاقينا على الموعـد وهـذي عـادة العشـاق عسى صبحٍ جمع قلبي وقلبك تضحـك شروقـه على شانك تحديت الظروف وجيت لك منسـاق اغنـي للخطـر والقلـب مايهـتـز معلـوقـه حبيبي مادفعنـي يمـك الا صـادق الاشـواق مشاعر صادقة ماهي مشاعـر نـاس مطفوقـه اعاهدك بوفاي ووالله اني ما اخلـف الميثـاق ابد مادمـت حـي وحبنـا ماضاعـت حقوقـه اسافر وانت في بالي واعـود يمكـم مشتـاق طراة الحب شوف العاشـق المغـرم لمعشوقـه دخيل عيونك الثنتيـن وخـدودٍ كمـا البـراق الك في خافقي ونـه وعبـرة حـب مخنوقـه سكن حبك بوسط القلب واحرقت الضلوع احراق تخيل وش كثر قلبـي عليـك همومـه تسوقـه انا شاعرك بالمعنى ليامن الفضـا بـي ضـاق ليامنه طـرى طاريـك شعـري زان طاروقـه ملاك وتستحـق الحسـن كلـه والله الـرزاق الا ياحلـو ذاك المبسـم ويازيـن منطـوقـه كلامك عسل صافـي وصمتـك دمعـي الدفـاق ولا غيرك من العالم طلع ذوقـي علـى ذوقـه انا العاشق وانا المغرم وانا اللي للخطر سبـاق اضحي لجلك بروحي وابيع الـذل فـي سوقـه |
رد: تلاقينا على الموعـد وهـذي عـادة العشـاق قصيده رائعه لاهنتي |
رد: تلاقينا على الموعـد وهـذي عـادة العشـاق صح الله لسانـــــــك انشودة المطــــر ممبدعــــــــه بالكلمه ومميــــــــــز ه بارك الله فيك تقبلي مـــــــروري |
رد: تلاقينا على الموعـد وهـذي عـادة العشـاق سلمت يمناااااااااك روعه كاروعت وجودك يعطيك الف عافيه |
رد: تلاقينا على الموعـد وهـذي عـادة العشـاق اعاهدك بوفاي ووالله اني ما اخلـف الميثـاق ابد مادمـت حـي وحبنـا ماضاعـت حقوقـه اسافر وانت في بالي واعـود يمكـم مشتـاق طراة الحب شوف العاشـق المغـرم لمعشوقـه انشودة المطر كلمات رائعه دئماً صاحبةذوق راقي تمتلكين أحساس جميل نحوالكلمات نتمنى أن نرى هذا الحساس الرائع يتجسد بكلمات من نزف قلمكِ المبدع دمتي لنا ودام لنا تألقك تقبلي مرووووري |
| الساعة الآن 02:26 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..