مجالس الرويضة لكل العرب - (( أهل المصالح ))

اقتباس:

أصـون نفسـي وأداريهـا عــن المنـقـود والعـيـب
واخـشـى عليـهـا مـــن الـنـمـام يلحـقـهـا بـنـمـه
أببـذل الطيـب وأجـزي فاعليـن الطـيـب بالطـيـب
وأصبـر علـى اللـي يجينـي مـن طوارفهـا مـذمـه
من كثر ما أصبر على العدوان بان براسي الشيب
صبـرت جعـل الولـي يفـرج عـن المهـمـوم هـمـه
أشــوف نــاسٍ كثـيـره مــا يعـرفـون المواجـيـب
معـروفـنـا لا بـذلـتـه ينـطـلـونـه فــــي الـمـقـمـه
وقـت تغّيـر وصـار بـه الثعـل أطيـب مــن الـذيـب
والـكـلـب جـالــه مـواقـيـفٍ وفــزعــاتٍ وهــمــه
والصقر حـول عقـب ماكـان فـي روس المراقيـب
والـبـوم وكّــر محـلـه شـامــخٍ فـــي راس قـمــه
وأهـل المصالـح تجيـك بطيـب وبحلـو الاسالـيـب
يضـحـك بوجـهـك ويـأخـذ حاجـتـه بـخـف دمـــه
وإلــى خــذا المصلـحـة دبّــر ولـقّــاك العـراقـيـب
مـاعــاد يـبـغـاك لـوإنــك مـثــل خــالــه وعــمــه
أبطـلـب الـواحـد الـلـي عـالــمٍ بـالـسـر والـغـيـب
الـلــي خلـقـنـا ودبــرنــا وعــنــده رزق الامــــه
تفـرج لمـن هـو حفـت يمنـاه مـن كثـر المكاتـيـب
يبكـي ويمسـح دمـوعـه يـاعـرب بـأطـراف كـمـه
دنيـاً تقلـب علـى المخلـوق ماتصـفـى المشـاريـب
يـــومٍ قـــراحٍ زلال ويـــوم عـكــرٍ فـيــه ســمــه
والمـوت لاجـاء البنـادم مــا تفـيـد بــه التطابـيـب
يجيـه فــي سـاعـةٍ غـافـل عـنـه مــا هــوب يـمـه

ابو حسن: والله الصراحه وانا اقرا القصيده كنت ادور بيت ولا بيتين اعجبني واضعها بردي وكل ماقلت البيت هذا اعجبني لقيت البيت اللي بعده احسن منه وعشان كذا نسخت القصيده كامله لان كل بيت اجمل من الثاني صح لسانك مليون ولا يكفون يابو حسن وبيض الله وجهك على القصيده الجزيله
مشكور كل الشكر لتواصلك معنا بالمنتدى وطرح قصائدك بمنتدانا ومنتداك انت ايضا
لا خلا ولا عدم وننتظر جديدك بكل شوق

تحيات : اخوك عبدالرحمن بن سيف العفيش