الشباب في العيد
 

خلونا نستـعرض اهم الاحـداث اللي تصـيرللـشباب قبل العيـد و بعـده ..

1- عند الخـياط ..

لازم كل تمسـاح يستـلم ثوبـه الجـديد بليلة العيـد .. لان كل التمـاسيح يتذكرون انهم مافصلـوا مـلابس الابـآخر لحظة.
.
و طبعا ليلة العيد .. تنقضي عندهم بالهواش والمطاقق مع الخياط عشان يخلص الثوب.
.
وحالتهم حالة ... لو توقف عند باب الخياط .. ماتشوف غيراثواب تتطاير وتتحذف .. واللي يصرخ ويقول هذا ثوبي يا

؟؟؟ وراك عفطته .. والثاني ينشق حلقه وتطلع بلاعيمه ويناشق لان

عزوز اخذ ثوبه بالغلط .
.
وعبود ماسكن صويلح من رقبته عشان يتأكد ان اسم صويلح مكتوب

على الورقة المعلقة برقبةالثوب
..
و مناحي منسدح من القهر على بطنه لان ثوب ولد عمه سلوم طلع اطول منثوبه ..

واللي يشق راس الخياط بالمقص عشان سعر الفاتورة ...

واللي يصن الخياط ببقس على دميحته لانه طالب قماش زبدة والخياط مفصل له ثوب من خامة تريكو ..
.
وماجد تطقه البوهة و يكتشف ان ثوبه مهوب لماع .. ويطيح الثوب بكبده لانه مخطط يلمع كل شي فيه الا وجهه يصير مطفي هع هع ...
واللي يكتشف عيوب خلقية في الثوب .. واللي ثوبه بدون كم .. و اللي ثوبه بدون ثوب ..


2- في الحلاق..

تشوف الشباب صافين بالدور .. ((يذكروني بطابور مقصف الابتدائي ))..

(((((((((((بس من جد حالتهم تقطع القلب ..)))))))))))))

واحديجره ابوه من كشته .. تقـول نعيمية ... ..واللي يبكي لان اخوه متعود يحلقه على الصفر ..ويقول له تكفى خل

لي خصلتين <<<< و هو صادق ..على الاقل تنفع قرون استشعار .واللي مايبي الحلاق يحلق له بموس لان الصلعة

حزتها بتلمع ..واللي فاتح له عزا و يباغر عند الباب .. لان طالعه له حبة ام راس اسود بنص خشمه ..

و ابوبندر ..بعد حيي والله جاي يصبغ هالشعرتين اللي براسه ..
..
...واللي يبسط بالحلاق للفجر .. وهات يا صنفرة و سمكرة ...

واللي يدرعم بدون احم ولا دستور .. والشرر يتطاير من عينه .. ويخز الموجودين بالصالون وهو ينافخ ويلهث ويدور على

راعي الكامري اللي صافطه وراه ..

واللي ينجلط لانه اكتشف ان السكسوكة اختربت... واللي يلعن الحلاق لانه قصله مارينز بالغلط ..

واللي جاي يزرع

وما خفي اعظم ..


3-صباح العيد..

ماغير تسمع اصوات تشقق اكياس بلاستيك ..<<< اصوات اكياس الفنايل الجديدة..ماركة الازدهار ..ولا الدرويش

وعبدالمجيد يتهاوش مع منيرة اخته .. ويبي يتروش قبلها ...

وكلن يتروش بذمة و ضمير .. ويلعن اسلاف الليفة بالصابون .. ويقعد يفرك بها الجسم الين يلمع ويلق ويعرف ان الله حق ..

و حمود يسطرخويلد ... لان خويلد لبس طاقيته بالغلط ..

واللي حاب يكشخ ببدلة .. و يخنق روحه بالكرفتة المقلمة .. ولابس طاقية زري

واللي تحرق الشغالةشماغه..

وبعدين يرتفع صوت الصراخ .. لان الاستشوار حق مزنة احترق... ولازالت كشة مهند واقفه

واللي يتدرب شلون يصب القهوة للرجاجيل في المجلس .
.
واللي يبكي و مضيع بوكه الجديد بولمعة .. واللي اخترب طقم الكبك الفضة حقه ..

واللي منزل الشماغ على جيب الثوب اللي على الصدر..لانه شارب حليب نياق من الصبح وتوصخ ثوبه.وشغالتهم


هاوشته ومارضت تكوي لهثوب غيره <<والله شخصيات شغالتهم تشكله..!

وغيره محتار ومايعرف يختار لنفسه شماغه ..

4-برىالبيت..

سعيدان ..قائلا : اهبببببببببب يا محمد .. شف نوير بنت عمي اللي ماتستحي ..ماهيب لابسة سروال .. ومطلعتن

كراعينها ..وسعيدان يرد عليه ويقول له .. استح .. هي لابستن هيلاهوب بيج ...


و فيصل قاعد يحش بخلق الله مع خويه طلال .. ويقول له :: رحمت عقال بدر اللي حاشي فيه شمآغـة..اللي يشوفه

يقول شاريه من بسطه في الاحساء

وطلال يرد عليه و يقول له ترى بدر يهون عن صالح اللي كاشخ بثوب ابيض ثلجي .. لاحظ سرواله الاصفر اذا مدر جوله...


واللي يتهاوشون على الطراطيع ... واللي مطنقر وماد البوز مترين

لان خاله جحده ولا عطاه عيدية


وبعدماتصير الساعه 8 ...


تلاقي نص الشباب بالثمامة..هات يا تفحيط وتقحيص

... و الزحمة تصير عند شواية الخليج .ولا الركن السعودي
..
واللي يطلع القنص مع الاهل في وادي الدواسر والربع الخالي..

وياخذ معه عدة الصيد : وااللي تتكون من شوزن و بندق و خنجر..<<على بالهم رايحين حضرموت

واللي يبسط بالنعيريه ويأجر دبابات من عند المصري..


أممممممممممم يمكن في أشياء نسيتها


كملوووووا واضحكوووا بدون زعل

رد: الشباب في العيد
 

رقيق

عزالله اللي صدقت

رد: الشباب في العيد
 

هذا اللي عايشينه

الله لا يحرمني من هاطله

سـمـو الأحـسـاس

لاعـدمــتــك

رد: الشباب في العيد
 

واللي ينجلط لانه اكتشف ان السكسوكة اختربت

ههههههههههههههه ههههههههههه حرام مسكين اللي يصير له كذا



انا ضحكت اكثر شي على اصوات البلاستيك
حقت الفنايل الجديده

رد: الشباب في العيد
 

الله عليكم يعني أنتو طالعين من هالحوسه

أنا الشباب أرحم منكم شوي

لا عـدمــتــك

صـديـقـة الـقـلـم

على مرورك الجميل

رد: الشباب في العيد
 

ههههههههههههههه ه

ريقيق المشاعر والله ماكذبة

رد: الشباب في العيد
 

أهم شي لا تكون زيهم بس

لا عـدمــتــك

حـامـل الـمـسـك

على مرورك الجميل

رد: الشباب في العيد
 

هههههههههه

لالا مانيب هولهم

رد: الشباب في العيد
 

واللي ينجلط لانه اكتشف ان السكسوكة اختربت..
طيب اذا خربت السكسوكه عادي يشيلها مو مشكله..بس تبي الصدق والله وجيه الشباب هالوقت ماتصلح ومايملحها الا الشكشوكه اقصد السكسوكه..
*طيب واذا خرب ثوبك يعني ماعندكم الا هالثوب ؟؟!!يعني لازم ثوب جديد
احس ماتفرق عندكم يالرجال جديد قديم كله واحد..الله يرحم حالنا يالبنات من شعبان واحنا فرفره بالاسواق..ويالل ه نطلع بقطعه وحده..هع هع
تشكراااات ع الطرح..

رد: الشباب في العيد
 

ههههههههههههههه هههههههه .. والله و ثوبي مابعد طلع للحين ..والله يعين على زحمه الحلاقين .



لاهنت رقيق ..

رد: الشباب في العيد
 

ههههههههههههههه هههههههه


والله مانيب من النوع اللي لازم يفصل انا دالوبي مليان ثياب وغتر.. والله لا فصلت ثوب ولا شريت غتر..
اللي يشوفني يقول كل الناس عيوونهم فيني انا وخلقاني.. خخخخخخخخخخخخ

يارجال وسع صدرك , اما الحلاق والله اني ارحم اللي يمسكوون سرى عندة..

راس مالها صابونة يدين ( لوكس) وموس ابو ريالين ديليت ابو شفرة خخخخخخخخخ وحلق عمري عند المنظرة وانتهت ..

داري اني دبلت تسبوودكم بس العيد جاي ووسعو صدووركم شوي...

رد: الشباب في العيد
 

الله يكون في عونكم عاد أنتم مشكلتكم مشكله

لا ويبيلها بعد كوافير وخرابيط الله يعينكم

لاعـدمــتــك

بــنـــت كــــول

رد: الشباب في العيد
 

الله يستر يا كنق ويطلع الثوب سليم

لاعـدمــتـــك

كـنـق الـفـيـاض

رد: الشباب في العيد
 

رد: الشباب في العيد
 

من جدك أنت بقايا لا ثوب جديد ولا غتره

لا وتحلق في البيت أجل نام يوم العيد أحسن

لاعـدمــتــك

بقايا جروووووح

رد: الشباب في العيد
 

هههههههههههههه
نفس حآلـــــــــــت نآ في آلعآيله
يومــ آلعــــــــــــ ــيد
هههخخخ كل آللى عندي نفس آلحآلآت آللى فى آلموضوع

رد: الشباب في العيد
 

الشكر كل الشكر

لك أنتي

شـــوشــــو

على مرورك العطر الجميل

أسعدني تواجدك في متصفحي

لاعـدمــتـــك

رد: الشباب في العيد
 

والله يكون في عونك

لاعـدمــتـــك

رد: الشباب في العيد
 

رد: الشباب في العيد