|
قصيدة من الديوان الصوتي للشاعر⁄ سلطان الهاجري اخترت لكم هذه القصيدة من الديوان الصوتي للشاعر:سلطان الهاجري اتمنى ان تنال استحسانكم
فر قلبي فرة اللي بالهوى مفترة = مايوردها علياني ولا جفالي كونكورد صمموها صانعين الذرة = واستعدت تطوي الامتار والاميالي واستلمها كبتن تصميمها ماغرة = يتفنن في قيادتها بدون اشكالي فرها فوق المدرج مرتين ومرة = لين عرض جنبها صفق الهبوب العالي وجر قلبي جر قوس في يد اللي جره = يوم جاز له اللحن والراس ماهو خالي مايشوف من السما لوكان كبر الذرة = نايشه ضيم الزمان وفاقد له غالي الفراق اكبر مصيبة والجفية مرة = تهدم الظن الكبر وتوجع الرجالي مثل ماشفت الجفا في عيونة المحمرة = مثل قوله روح في فالك وانا في فالي لاتذكّرني لا احرقك الزمان بحره = وانس حتى سنترال البيت والجوالي وانس فزعات توجع خاطرك وتسره = يوم تنخاني وطوح غترتي وعقالي هب ياهذا الزمان الله يكافي شره = بعد كان البرق برقي والخيال خيالي |
نبض الحياة نقلت لنا قصيده جميله صح لسانك ولسان الشاعرسلطان الهاجري وابيات جميله جدا ونتظر جديدك |
نبض الحياة نقل أدبي مميز جدا كل الود لقلبك إيمان |
TURKE ايمان السعيد منورين ويسلموا على المشاركة الشاعر سلطان الهاجري من الشعراء المعروفين بقوة الابيات وجزالة القصيد دمتم بود |
الفراق اكبر مصيبة والجفية مرة تهدم الظن الكبر وتوجع الرجالي نبض ... صح اللسانك واللسان الشاعر سلطان الهاجري نبض ... احسنت الاختيار نبض ... قصيده جميلة فيها الكثير من المعاني نبض ... يبقى لنا عليك الشكر ( مشكور ) تقبل مروري لصفحتك حفيد مجمش |
نبض الحياة تسلم على النقل الجميل والشاعر سلطان الهاجري معروف والله لا يهينك |
سلطان الهاجري اسم على علم مبدع متألِّق أن نحضى بإحدى تلك القصائِد الرائعة ، هو إثراء لمساحة حروف خالدَة . كل الشكر لك نبض . |
اقتباس:
حفيد مجمش لاشكر على واجب ونوت الصفحة وفية قصائد للشاعر سلطان الهاجري بضيفها قريب ان شاء الله |
ابو نواف مقدرلك هذا التفاعل مع القصيدة وتسلم على مرورك الطيب |
حبة كرز الشاعر سلطان الهاجري مثل ماقلتي اسم على علم ومن الشعراء المميزين في الخليج لك اطيب تحية على مشاركتك |
صح لسانك ولسان الشاعر سلطان الهاجري اختيار موفق |
| الساعة الآن 04:34 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..