|
البارحه ممسيت عيني سهيرهـ قصيده من قصآئد الشآعر .. (جلوي بن رتيبان) :: البارحة ما امسيت عيني سهيره وعزي لمن مثلي من الناس عزاه متراكي وابدع بيوت(ن) غزيره واعمر الغليون واثنيه بملاه مع دلة (ن) مالعقتها السعيره صفرا على جال المناره مراكاه فنجالها ما هو يوصف بغيره وصناعها اللي يفتهم كيف معناه وياما حلى شوف البيوت الكبيره في خايعن من غب سيله نزلناه و يازين شوف بيوتنا مستديره سودن على روس الصياهد مبناه وذيـــــدانا ما فرقتها المغيره من صاعها صعناه الى من لحقناه بصنع الهنادي وام خمس القصيره واهل القنازع فوق قبن مغذاه ويميرنا هجرن وحنا نجيره ومن جاء يبيه من القبايل طردناه الى ان جاء شيخ (ن) ولا كل ديره شيخ (ن) حكم كل القبايل بيمناه الله يظلل به سنين كثيره حتى القريزي قد هو اليوم يدراه من عقب ذى ياراكبن زين سيره عماني من باطن عمان مرباه يشبه لريم (ن) ذيرته الذخيره شاف المبندق يوم حاوز لمرماه ملفاك ابن جلبان ماهو بغيره عساه يبطي طارش الموت ما جاه سلم عليه وخبره بالسريره وعطه العلوم وكل شي من اقصاه وقله ترى حن ما علينا قصيره نطمر و ولد الاش يدرى بممشاه وانصى فهيد عيد راعي العثيره عضيدي اللي جعل الانذال تفداه عيد الطروش اللي عليهم قصيره جو من بعيد والمزاهب مطواه وقله ترى الدخان ما به معيره درب المعيره عند غيري بتلقاه العيب في غمر (ن) يعس القصيره واللي يخلي الضيف ما هوب يقراه والعيب في غمر(ن) يجر الجريره واللي يصد من ابن عمه الى جاه وصلاة ربي عد ما في الجزيره على شفيع الخلق يوم الموافاه :: ممآ رأق لي ,, |
رد: البارحه ممسيت عيني سهيرهـ العيب في غمر (ن) يعس القصيره واللي يخلي الضيف ما هوب يقراه والعيب في غمر(ن) يجر الجريره واللي يصد من ابن عمه الى جاه كنق ربي يعطيك العافية لاهنت |
رد: البارحه ممسيت عيني سهيرهـ اقتباس:
مشكور ..ولاهنــــــــ ــت .. |
رد: البارحه ممسيت عيني سهيرهـ الله الله أبيات روعه تسلم يمناك ع القصيده الرائعه تقبل مروري |
رد: البارحه ممسيت عيني سهيرهـ اقتباس:
|
| الساعة الآن 02:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..