|
الزين ماهو من صفات الرجووله قالت ترى منت بحلو قلت رجـال والزين ماهو من شروط الرجولـه =============== = الزين يلقى عنـد لباسـة الشـال والرجل زين ان كان زانت فعوله =============== = قالت علامك تلبس شماغ وعقـاال انت بدوي؟ قلت بدوي ومن حموله =============== = ما ألبس بناطيل لها الوان واشكال وامتر الشارع بعرضـه وطولـه =============== = قالت اجل راعي معاميـل ودلال شرب القهاوي تحسبونـه بطولـه =============== = كيفي يابنت الحضر دله وفنجـال وحليب خلفـه بالمـراح معقولـه =============== = وحب الكرم والجود وعلوم الابطال مغروس فينا من زمـان الطفولـه =============== = قالت ترى بنت البدو حظها مـال قلت احذري حذرا تكوني جهولـه =============== = بنت البدو يابنت مضرب للامثـال فوق الجمال وطاعة الله خجولـه =============== = ماحطة اصباغ ولا حطت ظـلال ولا سيرة بالسوق سيـر مهبولـه =============== = هي مهرة تصعب على كل خيـال وانتي ومثلك عسفهـن بالسهولـه =============== = قالت تغزل بي وشف حبة الخـال ناظر عيوني والرموش الكسولـه =============== = قلت العفو مايجتمع حـب وهبـال ولكـل ذوق فالمـــزاييـن جـولـه =============== = قلتي وقلت وكلمة الصدق تنقـال الزين ماهو من شروط الرجولـه |
رد: الزين ماهو من صفات الرجووله قلتي وقلت وكلمة الصدق تنقـال الزين ماهو من شروط الرجولـه روووووعة وفقتي في الاختيااااار |
رد: الزين ماهو من صفات الرجووله ما اجمل ما ارويتينا به من جمال الاحساس ودف المشاعر ومعدن الاصاله وروعة المنقول التي رسمت لنا جمال احساسك من خلالها فدمتي لنا مبدعه في اختيااارك دمتي بود |
رد: الزين ماهو من صفات الرجووله يعطيكى العافيه على لأبيات الجزله دمتى بود |
رد: الزين ماهو من صفات الرجووله ابيات في منتها الروعة لاهنتي |
| الساعة الآن 07:09 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..