وش علامه حمام الدوح وش لـه يطالـع=يحسـب ان الحـزن مايـعـرف الاهديـلـه
انصت اليوم واسمع من حزين المقاطـع=قالهـا اللـي بقـاف الحـزن مـابـه مثيـلـه
ايـه عينـي شكـت مـنـي قلـيـل المـدامـع=بس قلبي غرق في دمـع باقصـى غليلـه
قلت لي كيف حالك قلت لك في مواجع=مثـل مثلـي حيـاة الـيـوم ماتسـتـوي لــه
كبلتـنـي الـمـبـادي والـقـيـم والـشـرايـع=والفخـر فـي جــدودي درع والله ثقيـلـه
عشت قمة غروري في جليل التواضـع=يـوم غيـري وضيـع الشـي عنـده جليلـه
أسفـه الكبـر واتكـبـر بـصـدق الطبـايـع=واعشق الطيب وامشي للوفا وانتخي له
ومستحيـل ان عينـي بـس لحظـه تطالـع=لأي انـسـان بالتعظـيـم او تستـحـي لـــه
حيث انا في قرارة داخلـي لسـت خانـع=غيـر للـي خلقنـي ذاك حـق اشتكـي لـه
ربـي اللـي جعلنـي حـر مسلـم وطـايـع=لـه وغيـره مـن الوضعـي طلبتـه دليـلـه
ورغم ذلك صراحه صدق فيني مطامـع=دام انـا انسـان فالنـزوات فينـي طويـلـه
ارغـب الجـاه والثـروه وحــب التـلايـع=واعشق البر واهوى عشق ذيك الخليلـه
وبـيـن هــذي وهــذي ماهـنـا أي مـانــع=وعـون ربـي ميسـرهـا ولــو مستحيـلـه