ياليل ياكثر العتب والمشاريه

#1 (**permalink**) 29-08-2009, 09:11 PM

ياليل ياكثر العتب والمشاريه
......وقلبن يفوز بطعنته كل غالي
ماباقي الا نعطي القوس باريه
......ونصبر على رماح الجفا والتعالي
لاطاح حظك ماحدن جاء يصحيه
......وان قام حظك عد روس الجبالي
سجوى غرامه ساقها صحصح التيه
......يطوي مسافات الديار الخوالي
دونه سراب البعد يشّر بياديه
......تحدرت به نجد يم الشمالي
لاغاب واقفى من توده وتغليه
......ماعادله طاري ولاله مجالي
يمر في بالي ولاني بناسيه
......الا لياغفيت جاء في خيالي
كنه يصحيني بصوته وانا اوحيه
......جدد جروحي ماتركني بحالي
حسبي عليه الله والله يجازيه
......مالي وماله كان ماله ومالي
اثره يبيني لارحل عني ابكيه
......والا يبي دمعي ليا جف سالي
والا يبي شعري تسابق قوافيه
......عليه لكن صعب ذل الرجالي
والله ماطيعه فالخطا اللي يسويه
......صحوة عقل والا جنون الهبالي
لو كان حبه شاهرات غوانيه
......ماهو بحبن ماله اول وتالي
ولو كان انا ماقوى فراقه ولابيه
......ابقى عزيز النفس بين العيالي
من باعني بعته ولايمكن اشريه
......اجزم وابيعه لو بربع الريالي
ومن لاتربّى خل وقته يربيه
......ماني مربي مثل سود الليالي

#2 (**permalink**) 29-08-2009, 09:52 PM

صح لسانك وعلاشانك

ابداع بكل ماتعني هاذه الكلمه

تقبل تقديري واحترامي

#3 (**permalink**) 29-08-2009, 10:23 PM

......عليه لكن صعب ذل الرجالي
والله ماطيعه فالخطا اللي يسويه
......صحوة عقل والا جنون الهبالي
لو كان حبه شاهرات غوانيه

صح لسان قايلها تسلم خيو

#4 (**permalink**) 29-08-2009, 10:32 PM

روووعه كثييير والله

صح السانك وسلمت يمينك

يعطيك العافيه كلك ذووق

وفا

#5 (**permalink**) 29-08-2009, 10:33 PM

تسلم على الطرح الحلو ..

تحيـآتي ..]]~ِْ..

.
.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياكبر الفقيده..!!	سعود الفطيماني	صهيل القصيد	10	27-11-2009 01:29 PM
الا ياليل ...	محمد	نشيد الروح	10	05-09-2009 07:16 PM
منك العتب ؟ والا العتب من زماااااااني	فيصل	صهيل القصيد	5	04-09-2009 09:42 PM
العتب ماهو زعل	ابو طارق	صهيل القصيد	7	09-02-2009 01:44 AM
(( فيديو كليب)) قلبي الي بالهلال ربي بلاه في هلال ياكثر ناس تبيه	"مشاري السهلي"	الرياضة والشباب	3	19-04-2007 11:31 AM

ياليل ياكثر العتب والمشاريه

صهيل القصيد