|
احدث قصيدة بصراحه القصيدهـ شدت انتباهي لأنها تحاكي الواقع... وتحاول ان توصل للاذهان المصيبه التي بيننا ونحن غافلون عنها... والذي زاد جمالها..ان الشاعر نقلها على احداث قصه قصيرهـ أترككم مع القصيدهـ احدث قصيده توّها ما بعد جات اصبر شوي اغني احدث قصيده رسالتك جتني وانا اتابع الشات ابغي رفيقٍٍ لي دياره بعيده يدرس بلندن قد له اربع سنوات وما عرف جوّاله ولا اعرف بريده وقالوا لي انه يدخل الشات ساعات واسمه جبل وانشد وتلقاه سيده ودخلت اشوف الشات و العالم اشتات الحكي واجد والاسامي عديده الزير واسامه وياسر عرفات واصاله وهيفاء ونيله وعيده مخلطه ما بين كل الحضارات وكلٍ على ليلاه ينشد نشيده وبرب تيت وباك هوتميل دوت آت وهذا يصيد وذيك تبغي تصيده سوالف وحب وغرام وعلاقات و ورود واهدائات اغاني جديده تلقى الشباب الاف عند البنيات وكلٍ يطرّد فالطرايد طريده وبعض الشباب يغيّر النك بسكات اسمه فريد وبعد ساعه فريده !! والبنت زهقانه ولا فيه طلعات وجوّالها فضا وكمّل رصيده تدخل و تستعرض وتعمل حركات ولا بد ما تلقى صبي ٍ وليده يعبي الجوّال في ظرف لحظات ويحقق لها كل ماهي تريده جوٍ مكهرب فيه كل الحكايات وكلٍ يدوّر كسب يمناه بـايده !! ومطوع ٍ ينصح باحاديت وآيات ويقول تكفون المصيبه شديده لكن خلق الله في حساب الاموات لا عيب يردعهم ولا أية عقيده !! يا عالم اصحوا واذهنوا للبزيرات وسائل الترفيه صارت مكيده ما فيه رجل ٍ داري ٍ بالحيالات يضغط على بزره ويقرش حديده ويمنعْه من درب الردى والسخافات وينبّهه لو كان ماهوب ميده وانا رفيقي راقد الظاهر او مات؟؟ عيّا يجي وانا ختمت القصيده !! منقـــول ~ ! |
رد: احدث قصيدة روووووووووعة والله يستر على الجمييييع |
رد: احدث قصيدة بق بوس الاروع هو مرورك لاعدمتك |
رد: احدث قصيدة يا عالم اصحوا واذهنوا للبزيرات وسائل الترفيه صارت مكيده ما فيه رجل ٍ داري ٍ بالحيالات يضغط على بزره ويقرش حديده ويمنعْه من درب الردى والسخافات وينبّهه لو كان ماهوب ميده وانا رفيقي راقد الظاهر او مات؟؟ عيّا يجي وانا ختمت القصيده رائعه جدااااااااااااا اااااااااااااا سلم ذووقك الرقي |
رد: احدث قصيدة وهج الاروع هو مرورك العطر لاعدمتك |
| الساعة الآن 08:20 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..