المرجله ماهي لبس شماغ وعقال احيانا يكون رنين لبعض الكلمات لاينسى فهذه قصيدة اعجبتني ونقلتها لكم إذا المراجل لبسة شماغ وعقال قل للعذارى يلبسنّ العمايم ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن ) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت رجال والله خسارة فيك ذبح التمايم |
رد: المرجله ماهي لبس شماغ وعقال المرجله شيمه عن القيل والقال رفيع نفس (ن ) حر بالجو حايم قصيدة في قمة الروووووووعة ونقل اعتلى جمال هذة الابيات |
رد: المرجله ماهي لبس شماغ وعقال لاهنت اخوي يعطيك الف عافيه |
رد: المرجله ماهي لبس شماغ وعقال غزااااااااااال ابداع مستمر لاعدمناك |
رد: المرجله ماهي لبس شماغ وعقال وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت رجال والله خسارة فيك ذبح التمايم تسلمين |
رد: المرجله ماهي لبس شماغ وعقال لاهنتو <<<<<<<<<<<< |
رد: المرجله ماهي لبس شماغ وعقال اقتباس:
موفقه باذن الله .. |
رد: المرجله ماهي لبس شماغ وعقال اختيااااااااااا ااااار روعه تسلمين دمتي بابداع وتميز |
رد: المرجله ماهي لبس شماغ وعقال اخيرا طلعت بشي اعجبك يا امير عموما اسعدني مرورك العطر |
رد: المرجله ماهي لبس شماغ وعقال انا يعجبني الموضوع الهادف الجميل اللي زي كذا ومثله مو مثل اللي تو الخادمات ؟؟؟؟ |
رد: المرجله ماهي لبس شماغ وعقال الله يعطيك العافية |
رد: المرجله ماهي لبس شماغ وعقال اقتباس:
صح لسان شاعرها .... وتسلمين على الاختيار الرائع لاهنتِ |
الساعة الآن 11:05 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..