مجالس الرويضة لكل العرب - أغـلـيـك أكـثـر مـنِّـهُـم بـس .. لـعــلمـك !

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

أغـلـيـك أكـثـر مـنِّـهُـم بـس .. لـعــلمـك !

تعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !

لا يا ( حبيبي) .. الزمن لا يخليك
تقسى على قلبي وتسقيه سِمِّك !

[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك !

أدري تعزني .. اللـه يعز غاليك
وإن كان لـي عندك معزَّه بضمك !

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !

إسمك حبيبي ويا كثِرها أساميك
وقلبي يفز .. لا جابوا الناس إسمك !

ليتك تحس في ضيقتي يوم أحاتيك
أحرق لك أعصابي .. وما حَس دمِّك !

غايب بدون أعذار .. ربِّي يجازيك
عطني سبب مُقنع حبيبي .. وألمكّ !

همِّك , جنونك , ضحكتك , كل ما فيك
صوتك , سكوتك , وأرجع أقول هـ مِّ كْ ) !

[ لبيــه ] منِّك غير .. لمَّا أناديك
كن الكلام العَذب ... مرساه فمِّك !

مهما غلوك قلوب ناسٍ حوالــــيك
أغليك أكثر منِّهُم بس .. لعلمك !

أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !

شايف غلاهم لِك .. أكثر أنا أغليك

واللِّي وِصَل ( نِص الغلا ) يمكن أمّك