مجالس الرويضة لكل العرب - يموت .. يحيا .. يندفــن .. مآ يهمّـــه ..

مراحب ,,,,

اليوم جآيبه لكم قصيدة وقصتها معهآ ,,

هذآ ياطويلين العمر شآبّ حبّ له بنت ..

وهي حبّته ,,

المهم ولظروف الحيآة ,,
جآء عنده رجل يقدّم له دعوة زفاف
!!
وفتح الكرت وشآف إنّ الرجل هذآ تزوّج حبيبته ...!!!!!
//

الصرآحة موقف لآ يحسد عليه أي إنســآن !

المهم صآحبنآ قرّر إنّه يسآفر ويترك المكآن بأهله ,,

وسآفر ألأخ ولم يرجع لهـآلمكآن إلآ بعد 8 سنوآت !!

دخل الحآرة صاحبنا مع زميل قديم وكلّه شوق وحنين إلى مآضيه !

أخذ اللفّة صاحبنآ وحبّ يمزح معه يتوقّع إنّه نسى !!

شافوا ولد صغير قال الأخ لصآحبنا :
تعرف هـآلولد ...؟

سلّم عليه صآحبنا وبكى ..
تدرون ليش ؟ الإجآبة في القصيدة ....

راحت ثمان سنين حلً وترحال = راحت ثمانٍ كلها مدلهمّه

قضيتها بالحب والشوق رحال = شوقٍ تحدى كل ياسه وهمّه

وبعد الثمان اللي تعبها برى الحال = جاب الزمان الكارثة والمطمّة

جاني ولدها يبتسم بين الاطفال = ومن بسمته ذكرت أنا بسمة امـّه

وركضت له دمعي على الخد همال = ومن كثر شوقي قمت بالحيل اضمّه

ساعة حضنته والطفل في يدي مال = شــميت ريحتها على اطراف كمّه

واستلهمت نفسي مقاديم الأهوال = وتم الضياع واكدت لي متمّه

ليت الغياب اللي شغل غربتي طال = ولا دور العاشق على حرق دمّه

واليوم بنت الناس في بيت رجال = وحب على غير الشرف لي مذمّه

مجبور اعود واشتكي كل الأميال = بنفسٍ حزينه كائبه مستهمّه

يرجع غريبٍ سكته بر ورمال = يموت .. يحيا .. يندفن .. ما يهمّه ..

منقووووول..
http://forum.upkelk.com/new/statusicon/user_online.gif http://forum.upkelk.com/new/buttons/reputation.gif