|
إذا خسرت المال ..لا تتعب الحـال إذا خسرت المال ..لا تتعب الحـال تضيق يوم .. ويوم تلقـى رحابـه الموت لا صارت مخاسيـرك رجـال ورجال من ساسك .. بـدم وقرابـة أخلاقهم ماتت .. وهم عاشوا أزوال ويا شين زولٍ ما يعيـش المهابـه هنا تمنـى لـو مخاسيـرك أمـوال هنا يضيق الكون ..حـزن وكآبـة هنا يخيب بدنيتك حلـم .. وآمـال هنا جروحك .. مع بعضها تشابـه يا قسوة الدمعة علـى خـد رجـال فيهـا تحـس المـوت زاد اقترابـه فيها تحس إن الزمن جاك .. يختال يسوق لك خيلـه وطعنـة حرابـه يسوق لك جوره على صوت مـوال يقلب لـك الدنيـا دمـار وخرابـة هنا ..أنا واقف على شرفـة الجـال هنا..صدى صوتي وأحـس بعذابـه هنا .. وقفت أستعرض قصار وطوال هنـا أترجمهـا بشعـر وكتـابـة في ذمتي ما كنت في يـوم محتـال ولا مشيت بـدرب غيـري مشابـه ولا شقى قلبـي عنـا قلـة المـال نسيت همـه يـوم غيـري شقابـه يـزول هـم وهـم باقـي ولا زال همٍ سطـا فـي خافقـي وإلتجابـه همي حياة أخلاقهم والزمـن طـال والوقت ياخذهـم بصمـت ورتابـة تباعـدت خطواتهـم عنـي أميـال بالعمد جوهـا ليـه ؟ يـا للغرابـة حزني عليهم بدّل أحوالـي أحـوال وخوفي عليهم مـا حديهـم درابـه جالس حزين وعلقم الهجـر قتّـال وزوّد على حزنـي ونيـن الربابـة ( ولو تاقف الدنيا على موت رجّال ) كان وقفت عصر النبي والصحابـة |
رد: إذا خسرت المال ..لا تتعب الحـال رائع بالمررره تشكراتي لك فيصل |
رد: إذا خسرت المال ..لا تتعب الحـال امير السهول لاهنت على المرور |
رد: إذا خسرت المال ..لا تتعب الحـال الله الله عليك يافيصل.. رائعه جداً , وفقك الله في كندا وان شاء الله ترجع بالشهادة |
رد: إذا خسرت المال ..لا تتعب الحـال بقايا جرووح انت تطري كندا فية روحة وحنى ماندري بعد |
رد: إذا خسرت المال ..لا تتعب الحـال فيصل اختيار جميل تشكر علية |
رد: إذا خسرت المال ..لا تتعب الحـال كل الشكر سمو على المرور |
رد: إذا خسرت المال ..لا تتعب الحـال كل الشكر لك فيصل تقبل مروري |
رد: إذا خسرت المال ..لا تتعب الحـال كل الشكر فــهــد على المرور |
رد: إذا خسرت المال ..لا تتعب الحـال اقتباس:
اقتباس:
|
رد: إذا خسرت المال ..لا تتعب الحـال كم هي راائعه ابيات القصيدة ... لاهنت والله على هذا الانتقاء العذب والجميل ... فشكرا لكــ على طرحة هنااا ... وسلمت يداكــ وصح فكركــ ... فقط كون بخير ولا تحرمينا المزيد من ذوقكــ ... لكــ التحية والاحترام |
| الساعة الآن 04:58 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..