مجالس الرويضة لكل العرب - حٌ ٌٍـــســـــاااا اأأأافــه

حسافه يازمن والله..تجازي طيبنا نكران..
حسافه تكسر بقلبي..وانا الطيبه عناويني..

حسافه كل احاسيسي..تموت ومالقت اكفان..
تموت بقلب حبيته..وهمه كيف يشقيني..!
جفا لعيون من حبه..وحن لماضي(ن) به كان..
قبل لايصادف عيوني..ونار الحب تكويني..

على كفه وبيدينه..لقيت ان العذاب الوان..
يصبحني على جروحه..ولا شي(ن)يواسيني..

ويمسيني على دمعه..الا منه طرا الهجران..
ابات الليل وهمومي..لحاف(ن) لي يدفيني..

بيدين الجرح واوجاعه..وضيم الوقت والحرمان..
بيدين دموع هماله..رسمها في حدق عيني..
تركني في سما ظلمه..وسط غابه من الاحزان..
تربص بي وحوش الهم.. تطاردني وتنهيني..

انا همي نهش عظمي..كثر ماعاني الخذلان..
كثر ماعشت بالدنيا..اعيش وضاعت سنيني..

كثر ماهو على بالي..وقدره ياملا ماهان..
كثر ماغاب عن عيني..كثر ماهو يجافيني..

كثر ماحبه في قلبي..يشيد في حشاي اوطان..
كثرمااعاني ظروف(ن)..تباعد بينه وبيني..

كثر مااشتاق لأيامه..ولافكرت بالنسيان..
كثر زلاته بقلبي..كثر ماهو معنيني..

كثر ماهدني حزني..وبين في وسط الاعيان..
كثر ماهلت دموعي..كثر ماهو يبكيني..

كثر ماهامت اشعاري..وحرفي في عيونه زان..
كثر مااحس بوصاله ..يموتني ويحييني..

احبه فوق تصويري..كثر ماهو في عيني بان..
كثر مااعاتب بشوقي..واداري مابقى فيني..

الا يالله ياقلبي..الا وش خانه الخلان..!
انا ماقد طرا فبالي..تجي لحظه ويخليني..

شسوي فيك ياقلبي..تعبت ومالقيت اعوان..
تعال ولملم احساسك..تعال احضنك بيديني..

تعال ارجع وسط صدري..وحاول تترك اللي كان..
تعال نوادع الغالي..قبل لايصد عن عيني..

نويت ابعد عن دروبه..واجاري وقتي والاحزان..
وطيفه في وسط قلبي..اموت وعايش(ن) فيني..

حسافه..ذا زمن قاسي..يجازي طيبنا نكران..
حسافه الوقت يكسرني..وانا الطيبه عناويني..