مجالس الرويضة لكل العرب - الجوله الأولى من الدوري السعودي ..~

دوري زين 2009

بعد تتويج الأتحاد بطل لدوري المحترفين لعالم 2009-2008 م
ها نحن الأن ندخل على موسم جديد وبدوري جديد وبـ فرق تغيرت كليآ عن الماضي
( دوري زين السعودي ) ..!
سيكون مختلفا عن أي دوري وعن أي عام .. فرق كثيره تغيرت وأبرمت صفقات لتطعيم فريقها
فـ النصر والأهلي والوحده , تعلموا من أخطاء الماضي وهاهما الأن على أتم الاستعداد
لـ منافسة الفرق البقيه الكبيره كـ الهلال والاتحاد والشباب وبقية الفرق المنافسة
الدوري الأن لايوجد فيه لاصغير ولا كبير , ولا يوجد أي نادي مرشح لكسب أي مباراة
فـ بدقيقه يتغير الحال وبـ دقيقه تنقلب الأمور وها هو حال المجنونه !
جميعنا متشوق وجميعنا متخوف لـ بدء منافسات وأولى جولات دوري زين السعودي
فـ مشجعي كل الأنديه لهم طموحاتهم ولهم آمالاهم وكـ ذالك إدارة كل نادي ولاعبيها
يطمحون لـ ترك بصمه في هذا الدوري الممتع والشاق والمتوقع ان يكون من أقوى الدوريات العربيه .
بدء العدد التنازلي لـ بدء الدوري ..
فماهي إلى أيام معدوده وتنطلق المتعه وينطلق التنافس المثير والكبير والعراك بين الفرق المنافسة
الجميع يطمح لمنصب كبير في البطوله وغلى مركز مشرف والجميع يطمح لإسعاد جماهيره .
كونوا بالموعد مع دورينا

http://www.3mints.info/upload/uploads/393260d5a0.gifvshttp://www.3mints.info/upload/uploads/67c7c3c4f3.bmp
الفريقين : الأهلي × الرائد
اليوم : الثلاثاء القادم
التوقيت : 8,45 م بتوقيت مكه المكرمه
المكان : أستاد الأمير عبدالله الفيصل بجده
القنوات الناقلة : ART.sport 8
معلق المباراة : سعيد الزهراني الله يعينكم ع الأزعاج ..

* مباراة مثيره ورآح تكون حلوه من البداية وخصوصآ أنها بجده والأهلي ناوي يعدل أوضاعه من البداية
لأن الأهلي الموسم الي رآح كان يلعب ومايشد الا بالأخير وهذا الي خلاه ماينافس رغم أنه كان الثالث
لاكن مع التغييرات الي حصلت ومع زعل الجمهور ومع رجعة مالك والتعاقد مع محترف مهاجم
أتوقع رآح يكون للأهلي بصمه بالدوري وبالمباراة هذي والجمهور رآح يرضى على ناديه من هالمباراة
بالنسبه للرائد , ماتوقع أنه يطمح للفوز , لأن الفرق المتوسطه معروفه ببدايات الدوري ,
يعني لازم بيكون فيه أرتباك عندهم وأتوقع يحاول يطلـع بالتعادل او بأقل هزيمه عشان ماتكون النفسيات شينه ويرجعون للأولى
بالتوفيق للراقي ولـ إي سي ميلان القصيم

http://www.3mints.info/upload/uploads/3d15eadf9b.gifvshttp://www.3mints.info/upload/uploads/3f44c19dfe.bmp

الفريقين : الفتح × الأتحاد
اليوم : الثلاثاء القادم
التوقيت : 8,45 م بتوقيت مكه المكرمه
المكان : ملعب الفتح بـ الأحساء
القنوات الناقلة : ART.sport 7
المعلقين : عبدالله الحربي

هذي المباراة أنتظرها لي شهور , وربي متحمس لها , وكويس أنها مو بنفس يوم مباراة الهلال !!
صدقوني الأتحاد ماراح يفوز ولا رآح يقدم مستوى أبدآ
الكل متوقع الفوز والكل متوقع إن الفتح فريق توه صاعد والأتحاد متأهل لربع نهائي اسيا وكذا
لاكن خذوها من ليدر الأتحاد مو مسوي شي أبدآ في هالمباراة يعني بينهزم أو بيتعادل ..
أهم شي مو فآيز ووعدنا بعد المباراة
بالنسبه للفتح , والله انا من معجبين هالنادي , مو عشانه طلع الاهلي من ولي العهد , والله عندهم لعيبة كويسين مره
ويكفي ظهيرهم الايمن ماشاء الله عليه و وفريق منظم وحرام مايكون بالممتاز واللهي
أتوقع المباراة رآح تكون تعادل او فوز الفتح وخصوصآ إن ملعب الفتح صغير مره زي ملعب الحزم ..
والأتحاد ماتعود على كذا ..
بالتوفيق للفريقين

http://www.3mints.info/upload/uploads/2b6e2a7f71.gifvshttp://www.3mints.info/upload/uploads/29ff8dad36.bmp

الفريقين : النصر × الحزم
اليوم : الأربعاء القادم
التوقيت : 8,45 م بتوقيت مكه المكرمه
المكان : استاد الامير فيصل بن فهد بالملز
القنوات الناقلة : ART.sport 8
المعلقين : عبدالله الحربي

تبون الصرآحه
هالمباراة جو ثاني خلوا عنكم بس , تمنيت أنها يوم الثلاثاء او الخميس عشان يمديني اشوفها مباشر
المباراة بالملز يعني الجمهور أتوقع مافيه ولا مكان فاضي , النصر صرآحه أتوقع بيفوز بدرزن أهداف
توقع فقط , والتمني شي ثاني هين ..
النصر باين على محترفينه متحمسين من معسكر برشلونه .. فيقارو ولي شون , وماننسى السهلاوي بعد وحسين
يعني صرآحه مباراة بتكون نار نار ومب طبيعيه أبـد
والحزم , فريق وربي يمكن ينافس الوحده بلاعبينه الحاليين , " بطل بطولة النخبه "
وقدر يطلع الشباب وهذي بتكون دفعه معنويه لهم , تمنياتي للحزم التوفيق لاكن ماتوقع
النصر متحمس ووده ينفجر

http://www.3mints.info/upload/uploads/034c60a0c2.bmpvshttp://www.3mints.info/upload/uploads/f0854923c3.gif
الفريقين : الوحده × الأتفاق
اليوم : الأربعاء القادم
التوقيت : 8,45 م بتوقيت مكه المكرمه
المكان : الشرائع بمكه المكرمه
القنوات الناقلة : ART.sport 9
المعلق : غازي صدقه ياصبر الارض

الاتفاق صرآحه الأن شبه كامل , هجومهم الشهراني ويوسف السالم !!
والوسط عبدالرحمن القحطاني وإبراهيم المغنم والدفاع وليد الرجا والمفرج , والحارس محمد خوجه
يعني فريق بآدي يعدل من أوضاعه وقدر يسد الخانات الي محتاجها والي تنقص الفريق
أصيب بشير بالرباط على طول تعدل الوضع وجابوا مهاجمين , وكان عندهم ضعف بالحراسه وجابوا خوجه
يعني نادي متحرك ومايحب التأخير أبد ورآح تطلع ثمار هالتحركات بالدوري
وبالنسبه للوحده , يعجبني فيهم مدربهم والله , نفس جيريتس حقنا , مدرب صارم وبقوه ..
وفيه عندهم لاعب شفته ببطولة النخبه ناسي اسمه والله , أتوقع الانديه تتلاحق عليه
مبدع مبدع ومكسب كبير للوحده
بالتوفيق للفريقين وإن شاء الله تنتهي تعادل ..

http://www.3mints.info/upload/uploads/d39938ae21.gifvshttp://www.3mints.info/upload/uploads/d3d93dc24e.gif
الفريقين : نجران × الشباب
اليوم : الأربعاء القادم
التوقيت : 8,45 م بتوقيت مكه المكرمه
المكان : ملعب الأخدود بنجران
القنوات الناقلة : ART.sport.1
المعلقين : جعفر الصليح

لاتددقون بشعار نجران واجد
صرآحه كل ماتذكرت نجران وتذكرت ملعبهم يجني مغص , لاهم ولا الحزم مادري إلى متى احنا على هالملاعب
ملعب صغير جدآ وصعب تتوقع فيه أي شي , وأتوقع إن نجران يتدرب عليه
يعني حافظ الملعب حفظ وهذي نقطه من صالحهم , بس الشباب جاي بقوه هالموسم
وأتوقع بينافس على الدوري ومو مفرط ولا نقطه , ونجران مادري صرآحه من زمان ع المباريات ماشفتهم يلعبون ولا مباراة وديه !!
وأتوقع فلافيو حقهم الخال بيستلج بهالملعب ..
بالتوفيق للفريقين إن شاء الله نشوف مباراة حلوه منهم .

][تحليل ونقاااش][

1/توقعاتك للمباريات؟؟
2/افضل نادي هذي الجوله؟؟
3/افضل لاعب هذي الجوله؟؟