مجالس الرويضة لكل العرب - ][ يـξـيـטּ الله يآدטּـيـآ تسـوقـﮯ أيآامهـا آلأحــزان ][

http://www.ruoof.net/albom/data/medi...1c5ce14cef.jpg

يعيـن الله يادنيـا تسـوق أيّامهـا الأحــزان
يعين الله وأنتـي مثـل قفـل ٍ ضـاع مفتاحـه
يعين الله وجروحي لها فـي كـلّ وقـتٍ شـان
كذوب أللي يقول أن الزمـن بيـداوي جراحـه
سقى الله يوم أنا يمّه غرير ٍ يزعـج الجيـران
سقى الله يوم أنا طفلٍ يصـج البيـت بصياحـه
سقى الله يوم كان أقصى طموحي لعبة الدنّـان
نهاية يومي المغرب وأخـاف الليـل وأشباحـه
سقى الله يوم أنا ألبس بشت أبوي وثوبه القيطان
وأقلد كلّ شيٍ فيه .. حكيه .. جـدّه .. مزاحـه
وأشيل المسبحه مثله ليا هوجس وهو سرحـان
بيشعر واحسب أن أللي عطاه الشعر مسباحـه
سقى الله يوم كان آخر وصولي راعي الدكّـان
براءة طفل ماتحسب صـروف الوقـت ذبّاحـه
سقى الله ضيقتي لا شفت(ساره) تمدح الورعان
طفل بعيـون طفلـه لـو تذّمـه قـال مدّاحـه
سقى الله بيتنا ذاك البسيـط مشقـق الجـدران
شجاع ٍ يهـزم الغـدراء بقنديلـه ومصباحـه
تكحِّلنا القناعه .. لا طمع .. لا هم ..لا حرمان
وإذا جاء الليل تكفينا .ثـلاث أخـوان .طرّاحـه
جميع الذكريات أللي غدت في قفـرة النسيـان
يحاكي حلوها عبـره بمـوق العيـن سبّاحـه
خذتني غربـةٍ عنوانهـا غربـه بـلا عنـوان
أبي عقب التعب راحه لقى فيني التعـب راحـه
رجعت اليوم مثل أللي رجع عقب القنص خسران
غدا طيره وجـاء يسحـب سلوقيـه وملواحـه
قصيده مابَعَد مرّت ببـال (مساعـد وضيـدان)
هواجيس أبدويٍ هايـم ٍ فـي عشـق فلاحـه
وروح ٍ تايبـه كانـت تبـي لذنوبهـا غفـران
خطاي أنّي كتمـت أسرارهـا بعيـون بواحـه
تقوليـن المطـر ماهـوب يمّـه دايـمٍ هتـان
أجل معذور قلبٍ في همومه ضاعـت أفراحـه
أنا يمّـه غلطـت ولانـي أول واحـدٍ غلطـان
أبونا آدم من الجنـه خـرج بأسبـاب تفاحـه
خذلك الوقت فيني ما خذلتك يـا أعـز أنسـان
وش الدبره؟؟وحظي صار قفل ٍضـاع مفتاحـه