|
قصيدة لشاعر/ عبدالله السميري .. قم بس قم http://img525.imageshack.us/img525/8...1086384iy2.jpg خذها دبل وثري دام انـك تعمـدت زعلـي وان ماكفتك اعطيك فور اليا دموعك سايلـه مدام شفتك قمت تتغطـرس وتتكبـر علـي نذرن علي انـي لاوريـك النجـوم القايلـه قم بس قم اثرك تحسبك صرت واحد من هلي مانته ببوي ولانت اخوي ولانت ضمن العايله حتى ايش لو اسمك وشكلك وانطباعك جازلي عادتنـا وسلومنـا بينـي وبينـك حايـلـه اخدعت فيك ايام ماقلت ويش لك ويش الـي وعقب اكتشفتك قلت حكين قبل ماني قايلـه والله مافكرت ابك لو قلت لي ماقلـت الـي والي تفكرفيـه لـو تمـوت مانـت بطايلـه ماهوب انا الي يصعد القمه شـوي وينزلـي ولاهوب انا الي كل برقن لاح قـام يخايلـه ولاقول انا عنتر زمنا ذاء وانا مالـي حلـي ولاقول انا الكامل وانا الي وافيـه خصايلـه الكامـل الله والله الوالـي ولاغيـره ولــي سبحان من ينشي السحاب من البحور وزايله لاكن انا رجل وفي والصدر عـزه ممتلـي والطيب تاجن فوق راسي طول عمري شايله يابنت انا مثل الجبل على البسيطـه معتلـي وانتي سوات الحنظله فيـك المـراره هايلـه مذكورتن في المذهبين الشافعـي والحنبلـي لو عرقها وسط الثراء وغصونهـا متمايلـه انصحك روحي في طريقك وتركيني وارحلي ماهوب انا الـي بالكـلام العاطفـي تتحايلـه قم بس قم اخر زمن شرواك يتفلسـف علـي هاذي بعيده عنك لو شفت النجـوم القايلـه قصيدة الشاعر /عبدالله السميري ودمتم بود |
رد: قصيدة لشاعر/ عبدالله السميري .. قم بس قم الله الله... قصيدة رائعه لاهنت |
رد: قصيدة لشاعر/ عبدالله السميري .. قم بس قم صح السانك وبيض الله وجهك على ذا الابيات الجميله وننتظر جديدك |
رد: قصيدة لشاعر/ عبدالله السميري .. قم بس قم ماهوب انا الي يصعد القمه شـوي وينزلـي ولاهوب انا الي كل برقن لاح قـام يخايلـه ولاقول انا عنتر زمنا ذاء وانا مالـي حلـي ولاقول انا الكامل وانا الي وافيـه خصايلـه الكامـل الله والله الوالـي ولاغيـره ولــي سبحان من ينشي السحاب من البحور وزايله لاكن انا رجل وفي والصدر عـزه ممتلـي والطيب تاجن فوق راسي طول عمري شايله يابنت انا مثل الجبل على البسيطـه معتلـي وانتي سوات الحنظله فيـك المـراره هايلـه --- طلال العتيبي --- احيانا تجي القصيدة على الجرح وهكذا اختيارك الرائع ولشاعر رائع جاءت ابياته على الجرح دمت متألقا |
رد: قصيدة لشاعر/ عبدالله السميري .. قم بس قم اشكركم ع مروكم بقايا واخوي سلطان وانت اخوي محمد والي جاء ع الجرح والله مروركم العطر دمتم لتميز عنوان |
| الساعة الآن 07:23 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..