|
البنات اللي كانو مراهقات ايام التسعينات هع هع البنات اللي كانو مراهقات ايام التسعينات يعني تقرييا من1990 الى 2003 تقرا هالموضوع باللهي من كانت مراهقه من قبل ؟ < والله ياهو سؤال بعد انتي وخشتك .. الكلام هذا موجه للبنات اللي فوق العشرين ربيعاً .. بنات الطعش ماراح يستمتعون بهالموضوه زين عشان كلش غريب بنتكلم اليوم عن البنات اول http://vb.eqla3.com/images/smilies/004.gif مراهقات الزمن الغابر .. يعني مو شرط مراهقتنا اللي الحين جمعنا اراء مراهقات سابقات خواتنا .. بنات خالاتنا بنات عمتي منيره http://vb.eqla3.com/images/smilies/grins.gif وسألناهم عن عالمهم السابق كانت اجاباتهم عفويه .. وكل وحده تسولف عن مراهقتها كانت تخرطم وشوي وتدمع بنص الجواب تقول لو اني داريه اني لو بعرس وادج هالدجه .. كان لي الحين خامتن المخده ابرك لي ! لا بارك الله فيكم يالرجال السعوديين عقدتوا بناتنا http://vb.eqla3.com/images/smilies/139.gif <<< http://vb.eqla3.com/images/smilies/grins.gif خلونا نستعرض حياتهم ..هبالهم .. لبسهم .. هههههه موضتهم بادئ ذي بدء .. كان اغلب البنات توهم طايحين بحركة الشناط الصغيره .. ومن مبدأ انتشار الشناط الصغيره .. صار لزاماً على كل وحده تعبي هالشنطه بكل مايجعلها متميزه عن البنات اللي معها .. كل وحده تبي تكشخ بس بطريقتها .. اصلا ماهلكنا الا هالكشخه اللي مدري وش تبي! الروج وما ادراك ما الروج http://vb.eqla3.com/images/smilies/060.gif كل بنت لها لمستها الخاصه فيه ..وهو اللي يضفي النضاره على خشة كل انثى ذاك الوقت ياكافي طاحن البنات بالمحدد http://vb.eqla3.com/images/smilies/grins.gif عشان تصيرين كشخه ومحد قدك ولامشيتي كلن يناظرك تقل ماشيه قدامهم هيفا وهبي حطي محدد بني غامق ..امسكي خشتك وامشي عليها داير مادار وحدديها باللون البني وبعدين سوي الحركه الراقيه اللي محد يقدر يقاومها ولوني شفايفك بلون افتح من المحدد يعني حدود البراطم بني غامق ولون الشفايف وردي ولا بيج يااالطيف اللي كانت تسوي هالحركه كانت معروفه بانه عندهم دش واهلها مايخافون الله ولا من وين تعلمت تمشي بالمحدد على خشتها من دون مايتعرج ؟! اكيد http://vb.eqla3.com/images/smilies/grins.gif ؟! كـ شياكه..واناقه ..لا بد ان تكتمل الطله بجزمتكي ياعزيزتي الكاشخه ذاك الوقت جتهم موضه عاصفه .. شي غريب ماقد مر على السعوديه طاحوا العالم بالأبوات http://vb.eqla3.com/images/smilies/Looking_anim.gif جتهم فتره كلن هب بالأبوات وصاروا مايشترونها الا من برا واللي مايقدرون يشترون من برا يروحن الشعله لعل وعسى ينزل شي جديد http://vb.eqla3.com/images/smilies/grins.gif طبعا البوت عشان يصير راقي ومحد قدك لازم يصير كعب وياعزيزتي مو اي كعب ! لازم كعب تقل بلكه لو تكفخين فيه باكستاني انصرع يومين http://vb.eqla3.com/images/smilies/n/sm5.gif كان ينباع مع الابوات كيلون هبوا فيه ذاك الايام الكيلون مخطط بالعرض ..خط اسود وخط شفاف وبمانه بوت وطويل ولا يبان الكيلون تبدا كل وحده تمشي وترفع اللبس عشان يشوفون البوت لين واصل وعشان يطلع الكيلون http://vb.eqla3.com/images/smilies/grins.gif الله مير يقلعكن قرويات .. ههههههههههههههه هههههههههههههه لاتحسبون هذا ينحط بالشنطه ! لالا الببسي والليمون له استخدام شنيع ..لاتستغني عنه اي مراهقه بذاك الوقت كان يستخدم لتجعيد الشعر http://vb.eqla3.com/images/smilies/grins.gif يقولون بذاك الوقت زاد استخدام الببسي وكان يصنع باعداد مهوله كله بسبب تجعيد العكاريش الطريقه / تروشي وخلي شعرك رطب .. بعدين ضعي قليلاً من الببسي .. بارد ولا حاره مايأثر بس اهم شي فيه غازات .. يعني ماتجيبينه مفتوح له يومين وتحطينه وتقولين وراه ماتجعد شعري زي بنت خالتي حصه http://vb.eqla3.com/images/smilies/grins.gif كانوا البنات بذاك الوقت مشغلتهم سالفة تجعيد الشعر (ماكانوا يقولون كيرلي ) طبعاً اي وحده تجي شعرها منفوش كل البنات يغارون منها .. ويتحلطمون شلون سوته كذا ! يعني الحمد لله اللي ميريام فارس ماطلعت بذاك الوقت قسم بالله انتحرن ياحبي لهن http://vb.eqla3.com/images/smilies/grins.gif كان فيه مشكله تواجههم يقولون اننا اذا جعدنا شعورنا ولبسنا العبايه انلبد وخرب التجعيد واول مانوصل المدرسه الا الببسي صاير يتدبق ( الله يحوم تسبودكن http://vb.eqla3.com/images/smilies/frown.gif ) واللي مره مستعجله وماعندهم ببسي تعصر لها ليمونه وتحطه على شعرها وان شالله بيتجعد صحيح فعاليته مب زي الببسي بس يعني يفك أزمه اهم شي نشكر الشركات العالميه اللي صارت تنتج لنا افضل مستحضرات الكيرلي عشان نرتاح من دبق الببسي وريحة الليمون http://vb.eqla3.com/images/smilies/n/sm5.gif يتبع |
رد: البنات اللي كانو مراهقات ايام التسعينات هع هع ختاما الشكل يكون كذا .. زي هذي بالضبط .. كلهم يتمنون يصيرون مثلها شعر مجعد تشجعيد يجيب المغص تشم ريحة الببسي والليمون من بعد كيلو وشفايف محدده تقول كبد عنز والروج فاتح عشان يبان التناقض الخلاب وحبة الخال اللي مرسومه بكحل .. يعني مايعوق ما شالله ماعندك حبة خال ارسمي لك وحده .. ترى الدنيا فانيه .. ماكثر الله الا الكحل http://vb.eqla3.com/images/smilies/grins.gifhttp://vb.eqla3.com/images/smilies/004.gif عاد هذا شي ثاني اي بنت بذاك الوقت ماكانت تخق على سعود الدوسري تراها يا اما حولا ولا فيها عين وصارت ماتميز بين الحق والباطل http://vb.eqla3.com/images/smilies/grins.gif يعني كان من اهم مايميز فترة التسعينات ان جميع البنات بلا استثناء خاقات مع الاخ سعود كان مذيع بالـ mbc fm ويقدم برنامج ليلة خميس سبحان الله كان مذيع بالراديو شلون اكتشفوا وجهه مادري ! يعني لو بالتلفزيون كان نقول شافوا وجهه بس واحد متغبي بلندن ويجي من وراء المايك شلون نفشتن عنه ؟! تخيلوا وحده اعرفها .. عندها اغلب صور الاخ سعود اهم شي انه دفتر ملصقه فيه صور سعود بالترتيب وفيه صور نادره له وصور من جوازه واسم امه < صجتنا انها تعرف اسمه تقل تبي تعرس عليه http://vb.eqla3.com/images/smilies/confused.gif كانوا البنات يشترون جريدة الجزيره بس عشان الملحق الفني اللي فيها كانوا يجيبون طاري سعود وبذاك الوقت بعد طلعت مجلة فواصل وصاروا اذكياء بكل عدد يجيبون طاريه والبنات هات يا مجله انواع تنظيف الرفوف .. والمجله يحسبون الناس تشتري المجلات الشعبيه عشان خاطر الشعر مادروا ان مراهقاتنا القديمات خاقات للنعله مع الاخ سعود كانت صوره قليله ذاك الوقت يعني مالهم مصدر صور الا المجلات او الجرايد مو زي الحين نت وقوقل تقدرين تطلعين وجهه وهو يفلي قذلته http://vb.eqla3.com/images/smilies/grins.gif واشتهر سعود بذاك الوقت بالبدله الموف اللي كان لابسها وحاط يده على راسه ودي سعود بس يقرا الموضوع ويجيب لنا صورة البدله عشان نتاكد منها < على ذمة بنت عمتي ترى سعود اول غير سعود الحين الحين صار دب وخلاص راحت طفته .. يعني فيه سعوديين مماليح غيره .. طلع ياسر وخرب سوق الشعب اول ماكان فيه الا هو ! وجا بطريقه متاحه لأغلب البنات يعني مايحتاج دش عشان تشوفه كان يجي عن طريق الراديو اسهل من كذا ايه ! كل وحده تقول بسمع اذاعة القران وهي حاطه على سعود واحمد الحامد http://vb.eqla3.com/images/smilies/grins.gif طبعاً اللي ماخقت على سعود يمديها تخق على الاخ اللطيف هذا هذا خالد التيماوي .. لاعب نادي الهلال السابق ثلاث ارباع بنات السعوديه هلاليات ..وشي اكيد السبب هو حسن الخلق يعني خالد التيماوي اول زي يسوري الحين سبحان الله هالهلال حالف كل جيل يطلع لنا واحد اطخم اول كانوا البنات يتابعن كوره عشان بس يهف بغرته كذا ويسوي حركه عاصفه يعني بنات النصر اول يكشخن بـ فهد الهريفي بس فهد الهريفي اختفى ماصار له حس زي خلودي يعني بساحة المدرسه يجون البنات واقفات معهن ببسي وكتكات وكل وحده تقول فريقنا احسن من فريقكم وش جاب التيماوي للهريفي http://vb.eqla3.com/images/smilies/grins.gif ومن يومها بنات النصر مضطهدات يعني لابطولات ولا لاعبين حلوين .. الله يصبركن بس http://vb.eqla3.com/images/smilies/grins.gif كان الاعلام الفني سابقاً يعتمد على الجرايد وعلى برنامج ليلة خميس ومايطلبه المشاهدون على قناة السعوديه ما كان فيه حريه ولا ابداع .. مالك حل الا تشوفين وانتي منطمه وساكته واحمدي ربك ان جابوا لك شي كل هذا الكبت تبدد يوم طلعت مجلة فواصل هذي المجله كانت بمثابة النور الذي اضاء العتمه اللي كاتمه على قلوب مراهقتنا لبى قلوبهن كانت شي جديد ومتميزه بالاخراج والاوان والصور وتجيب شعراء طخوم واهم شي طلال الرشيد الله يرحمه كان يكتب بكل بداية عدد كان هذا تغيير مذهل .. بناتنا تغيرت نظرتهم للامور وصارن يخقن على سنع ذاك الوقت ماكان فيه ايميل يسهل التواصل .. كان فيه ( ص . ب ) كثر خيره مجلة فواصل كانت الاكثر مبيعاً نظرا لتميزها في عرض الشعر اللي خقق بناتنا وصور الاطفال اللي كانوا يحطونها .. استاثموا فيهن ياحولي كان مافيه حرية ولا ابداع و جوا فتحوا لهن الباب على مصراعيه http://vb.eqla3.com/images/smilies/icon120.gif كل بنت لها حياة خاصه يعني تحوم كبدها وتتضايق ولا تتهاوش مع المراقبه بالمدرسه عشان المريول ضيق ولا متكحله زياده عن اللزوم .. تجي تحط حرتها بالهضعيف .. انه خالد عبدالرحمن مخاوي الليل .. ابو صوت حزين واغاني خاثره اغاني خالد عبد الرحمن شكلت ثقافه معينه بين بنات ذاك الجيل ان الحب = حزن .. وكآبه .. ومسجل احمر تتوسدينه قبل تنامين من اكثر اغانيه المشهوره .. انتظرته .. خبروه .. العطا ..حالمه .. زليت ..آهات .. بقايا جروح .. و الخ الخ من الاغاني الحزينه الهاديه كان خالد عبدالرحمن الفنان الاول للمراهقات العاشقات يكتبون اغانيه ويحفظونها صم اكثر من مادة النصوص لا تخلو منه شنطة اي مراهكه تعرفون لازم علك ابوطبعه عشان يعطر رائحة الفم وينعش الخشه اللي فيها محدد بنيhttp://vb.eqla3.com/images/smilies/grins.gif مراهقه سعيده خخخخخخخخخخخخخخخ خخ |
رد: البنات اللي كانو مراهقات ايام التسعينات هع هع ههههههههههههههه ههههههههههههههه ههههههههههههههه ههههههههههه لاتعليـــــــــ ـــــــــــــــ ـــــــــــــــ ـــــــق |
رد: البنات اللي كانو مراهقات ايام التسعينات هع هع ههههههههههههههه ههع علينا وعليك اسعد روعه ههههههههههه تشكرات |
رد: البنات اللي كانو مراهقات ايام التسعينات هع هع اقتباس:
اقتباس:
اقتباس:
اقتباس:
لاهنتي رماد الشوق |
| الساعة الآن 10:18 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..