|
لا صار قلبي لك وطن .. أبسألك وين الولاء ..؟ : قبل أبتدي عندي طلب ركِّز طلب ماهو " رجاء " ! ما أبي تجاوبني .. ولا تستغرب إني أسألك لا تنصدم من عزلتي , حالي كما : أبو العلاء عندي سبب : ما تستحق إنِّي أجيك و أوصلك لا تعتبر جمر الحكي من شاعرك يعني " هجاء " لو كنت بهجي حضرتك ما خفت منِّك .. قلت لك ! هذي القصيده صُنِّفة في دفتري قصة " رثاء " حبٍ يموت وتنولد .. وحبٍ يعيش ويقتلك ! ناديت لك ياما .. ولا لبِّيت لي , وضاع النداء ! إنبَح صوتي والصدى من كثر ما ناديت لك ! أقرب من ثيابي علي وأبعد من نجوم السماء ورغم إبتعادك والتعب ..أرسم طموح وأمهلك .. ما كنت لي الداء وأنا ما كنت لـ جروحك " دواء " .. ما عشت في دنياي لي !!عايش ولكن عشت " لك " ! علمتك القلب الوفي .., ما يخذلك فيه " إنتماء " ! وعلمتني كيف العشم في من تحبه .. يخذلك !! علمتك إن أصل الهوى يرجع لـ كلمة " إحتواء " ! وعلمتني إن الهوى , ما عاش يوم بـ داخلك ! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! ما تستحي ,, ودامك كذا ؟ - إفعل حبيبي ما تشاء ! توِّي عرفت إنِّي كثر ما أعْرِفِك .. كنت أجهلك ! ما كان قلبي بس لك ؟ يا لاعب أدوار الدهاء ! وما كنت لك أقرب من أنفاسك وأقرب من هلك ؟! ما عاد تفرق غيبتك أو رجعتك .. عندي سواء ! كنت إهتمامي ورغبتي .., والحين دوري أهملك ! لا صار قلبي لك وطن .. أبسألك وين الولاء ..؟ وشلون حال المملكه ؟ - دام الخيانه من ( ملك ) ! إن كنت جاهل ..! " لعبتك قلبي " وما فيها ذكاء حتى الطفل إن جبت له [ لعبه ].. - ولاءه صار لك ! قبل أنتهي عندي - أمر ما هو طلب وإلا - رجاء .. لا يشغلك ماضي إنتهى .. ركِّز علـى " مستقبلك " ! : أحمد الصانع |
رد: لا صار قلبي لك وطن .. أبسألك وين الولاء ..؟ تسلمين على هذه الذوق منك لاعدمناك يالغلا كلمات في قمة الروووووعه يسعدك ربي تقبل مروري ,,ودمتِ بحفظ الخالق ,,, |
رد: لا صار قلبي لك وطن .. أبسألك وين الولاء ..؟ رغم إبتعادك والتعب ,,, أرسم طموحك وأمهلك,,, تسلمين على الذائقة اللي في القمة,, !! وصح لسان شاعر القصيده أحمد الصانع .. |
رد: لا صار قلبي لك وطن .. أبسألك وين الولاء ..؟ رماد الشوق مشكورهـ على الطرح الذوق |
رد: لا صار قلبي لك وطن .. أبسألك وين الولاء ..؟ علمتك إن أصل الهوى يرجع لـ كلمة " إحتواء " ! وعلمتني إن الهوى , ما عاش يوم بـ داخلك ! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! رماد الشووق كلمات جميله كل الشكر لك لاعدمناك |
| الساعة الآن 03:01 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..