الفاتنة

المشكله ماهي كذا المشكله اكبر كثير
المشكله عدة نطاق الدلعنه وحدودها

المشكله من يوم وافق ناظري هاك النظير
سهم(ن)رماني والحقت بعده علي جنودها

الراس شلال(ن)تناثر وانتثر مي(ن)غزير
والعين مهما يبلغ التوصيف تطلب زودها

والخشم سيف ارهب العدوان باليوم العسير
والبلا في شامتين علمن بخدودها

راسيه متواسيه باطباعها الشيء المثير
صادقه متصادقه في عهدها ووعودها

صدق اعجبتني واطربتني وابهرتني للاخير
في مزحها في جدها في طيشها وركودها

لاجيتها ثم احضنتني بشوووووووق ياكني بطير
تطري علي ام(ن)حنونه تحتضن مولودها

ولاهاتفتني وهمست بصوت(ن)يشابه للصفير
عصفورت(ن)تنشد وانا تايه وراء منشودها

وليا ضحكت شمس(ن)تلاشت وانكشف بدر(ن)منير
وليا زعلت طفله بريئه حايره برقودها

وليا وقفت وقفت شجاع وان مشت هيبة امير
وليا جلست بنت(ن)عفيفه تستعد لسجودها

ماقول حلوه لاوربي هالحلا منها يغير
مزهريه وجمعت كل الحلا بورودها

ست الحسن ست الدلع منطوقها عذب الغدير
فيها طناخت اجودي والجود من موجودها

من يومها واستغفر الله بس اهوجس واستدير
لابارك الله بنظرت(ن)مادام هذا فودها

قمت اتوجد ياوجودي وجد محتاج(ن)فقير
فجاءه وقع في نعمت(ن)وازرى على محصودها

مهما وصفت ابقى مقصير ولو بوفيها احير
الوصف فيها مزنت(ن)لا ماتزعل رعودها

الفاتنه من شافها يدعي اللهي ياقدير
ترحم ابوها وامها ولا يهون جدودها


اعجبتني كثيرا
فنقلتها لكم