|
جعلني ماذوق حزنك ياوجودي كان يبـري مـن العلـه وجـود وجد من شاف المذلـه لجـل لقمـة هلـه ان رضى بالذل بيموت مـن سـم الكبـود وان تعـزز حـده الوقـت ليـن يجندلـه ياوجودي جعـل ليـل المفـارق مايعـود كل مايطري علـي هـل دمعـي بعجلـه كنت اقول الحلم له مسئلـة وقـت وحـدود لين ضاع الوقت والحلـم عييـت اوصلـه ويش اسوي يا هل العرف والايـام سـود كـل ماودعـت حزنـي يجـي واستقبلـه مايهدي ضيق صدري ليامن ضـاق كـود لاقريت الحمـد مـن بعـد ذكـر البسملـه جعلني ماشوف ماكره ولا اخاوي جحـود وجعلنـي ماعالـج المشكلـه بالمشكـلـه اتصبر يمكـن الصبـر فـي تاليـه فـود والخطـاوي مجنبـه والمشاعـر مشملـه اثـر راع الحـب مثـل المكبـل بالقيـود بيـن خلـق الله وكـن اليـديـن مكبـلـه بين رايـات الهزيمـه ورايـات الصمـود وبين هقواتـه وعقلـه وطيشـه واجهلـه يامعودنـي علـى البعـد مـا فالبعـد زود جنـب الدكتـور رح للمجـرب واسئـلـه يكفي اني كل ماطـروك فيضـت العـدود وانت لا هاللحين ماتدري ان لـك منزلـه لاتظاهـر بالبـراءه وطعناتـك شـهـود كل طعنـه منـك تاخـذ مسـار الاولـه كن عيونك ساحة اقتال ورموشـك جنـود وكنـي اللـي جـا بكيفـه يـدور مقتلـه من غلاك احتاج سعرات تحريـك الركـود مثل تحريـك المشاعـر بعطـر المذهلـه اجمع احساسك غلا وانثره مثـل الـورود ولك علـي اشـرع القلـب حتـى تدخلـه لاتخاف امن التلاقـي ولاتنسـى الوعـود واي حاجز يمنـع الوصـل قدامـك شلـه وكان قصدك جرحي اللي مضى فرقى سنود اذكر اني حزت الجرح قلـت الـك ازهلـه انت فيك اشيـاء واجـد تخليـك امحسـود فوق زينـك فيـك شيمـه وقيمـه وقبلـه جعلني ماذوق حزنـك وجعلـك فالوجـود لاتعودنـي علـى البعـد ويمـوت الولـه الوصـال الستـر والبعـد بيـاح السـدود وكل يوم يمر مـن دون وصلـك مطولـه كل شي يهون غيـر التجاهـل والصـدود ماقبله مـن غيـرك اشلـون منـك اقبلـه لاتجاهلنـي وانـا مـن عريبيـن الجـدود كان عنـدك شـي لاتستحـي منـي قلـه ماتنسينـا الخطايـا مواثـيـق العـهـود الوفـا منـا وفينـا وحنـا مــن هـلـه وسلامتكم مما راق لي آمل أن ينال أعجابكم الشاعر (سالم ابن جخير) |
رد: جعلني ماذوق حزنك وجعلك فالوجود && لاتعودني على البعد ويموت الوله قصيده مميـــزه وجزله من شاعر كفو صح الله لسان الشاعر ابن جخير واعتلى شانه , وشهادتي فيه مجروحه الأخ : الرســـــــــــ ـآم ,, مشكور على الطرح الوافي ياالوافي , لاهنت أعذب التحايا.. ولاهنــــــــــ ـــــــــــــــ ـــــت ,, |
رد: جعلني ماذوق حزنك وجعلك فالوجود && لاتعودني على البعد ويموت الوله صح لسان الشاعر سااالم بن جخير وبيض الله وجه ناااقلها ااالرساام كل الشكر لكم على نقلكم للقصيد السنع بصراااحه راااااائعه |
رد: جعلني ماذوق حزنك وجعلك فالوجود && لاتعودني على البعد ويموت الوله الرسام تسلم ايدك ويعطيك العافيه على الذائقه |
رد: جعلني ماذوق حزنك وجعلك فالوجود && لاتعودني على البعد ويموت الوله لاتظاهـر بالبـراءه وطعناتـك شـهـود كل طعنـه منـك تاخـذ مسـار الاولـه صح لسانك الرسام اختيارك مثلك مميز |
رد: جعلني ماذوق حزنك وجعلك فالوجود && لاتعودني على البعد ويموت الوله الله يعطيك العافية |
رد: جعلني ماذوق حزنك وجعلك فالوجود && لاتعودني على البعد ويموت الوله ابيات رائعه كل الشكر على الانتقاء الجميل |
رد: جعلني ماذوق حزنك وجعلك فالوجود && لاتعودني على البعد ويموت الوله جعلني ماشوف ماكره ولا اخاوي جحـود وجعلنـي ماعالـج المشكلـه بالمشكله ابيات جميله مشكور صديقي |
رد: جعلني ماذوق حزنك وجعلك فالوجود && لاتعودني على البعد ويموت الوله مايهدي ضيق صدري ليامن ضـاق كـود لاقريت الحمـد مـن بعـد ذكـر البسملـه كلمات رائعه سلم طرحك الراقي وسلمت اناملك على النقل المميز |
رد: جعلني ماذوق حزنك وجعلك فالوجود && لاتعودني على البعد ويموت الوله الرسام بيض الله وجهك قصيدة وافية لشاعر كبير لاهنت على النقل لاعدمتك |
رد: جعلني ماذوق حزنك مـــــررررررررر ررررهـ روعــــــــه كلماتهاا اعجبتني مرره.. يعطيك الف عافيه الرسـآم .. تسلم يدينك على هالنقــل |
رد: جعلني ماذوق حزنك مساءك ورد/ الرســـــــــام قصيدة جميلة للغاية وقمة في الروووووووووووع ة .. دامت أحاسيسك رائعة .. : : http://www.chezfanfan.be/Animation481.gif |
رد: جعلني ماذوق حزنك ابيات رائعة بروعة ناقلهاشـكــ وبارك الله فيك ـــرا لك ... لك مني أجمل تحية . |
| الساعة الآن 12:30 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..