|
عهدي بها قبل تلبس العبايه عهدي بها من قبل تلبس عبايه ،،، وأنا بعد قبل البس شماغ وعقال!! طفلين نتهجّى حروف البدايه ،،، الله يا محلا سواليف الاطفال!! كانت لنا في كل شارع حكايه ،،، وكنّا نقول علوم ماهيب تنقال!! وكنت اتقاسم مامعاها معايه‘‘‘ من(عسكريم) التوت,للعلك ابوريال!! وكانت بعكسي شاطره بالقرايه ،،، تقرأ جزء عمّ وطه والانفال!! وأنا لك الله من مواري غبايه ،،، مدري ابو نقطه هو الذال او دال!! وكانت لأبويه تشتكي من شقايه ،،، وتعلّمه كيف اربط الباب بحبال !! ياما على ظهري كسر من عصايه ،،، يقول لي:خلّك وأنا ابوك رجّال!! وامي تقول: إدع لولدك بالهدايه ،،، خوفي تصيبه كثرة الضرب بهبال!! لاشفتها مع اول الدرب جايه ،،، مدري أنا اللي ملت ولاّ الوطا مال!! احسّ قلبي يرتجف في حشايه ،،، ماكنّه الاّ الضيف لاهزّ فنجال!! ياما عن"السّحلي" تخبّت ورايه ،،، لاخوفوها فيه ثم شافت ظلال !! تقول:خلّك ياحبيبي معايه ،،، واسّتأنس العب عندها دور الابطال!! وآغار حتّى من عيون اصدقايه ،،، لاطالعوها قلت: تكفووون ياعيال !! وسٍلآمًتكمُُ مما راق لي |
رد: عهدي بها قبل تلبس العبايه صح السانك ياسلطان الشوق |
رد: عهدي بها قبل تلبس العبايه تكفوووووووووووو وووووووون يعيااااال :) الله الله صراحه ابيات في قمه الروعه عجبتني كثيررررررررر لاهنت سلطان ..ودامت ذائقتك ..ودمت بخير .. |
رد: عهدي بها قبل تلبس العبايه الله يا محلا سواليف الاطفال!! كانت لنا في كل شارع حكايه ،،، وكنّا نقول علوم ماهيب تنقال!! وكنت اتقاسم مامعاها معايه‘‘‘ من(عسكريم) التوت,للعلك ابوريال!! وكانت بعكسي شاطره بالقرايه ،،، سلطان الشووق ابيات في غاية الروعة تميز مستمر منك يالغالي لاعدمتك |
رد: عهدي بها قبل تلبس العبايه صح لساان قاايلها.. وتسلمـ.. ايد ناقلها,, ^_^ |
| الساعة الآن 12:28 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..