( دمـعـة المـوت ) بحر هلالي السلام عليكم ورحمة الله صباحكم شعر بعد غياب طويل اتيت التمس العذر منكم ولكم القصيده هذه لعلها تشفع لي عندكم قصيدة ( دمعة الموت ) اتمنى ان ترتقي وتلامس ولو شي بسيط من ذائقتكم / \ / \ / \ لضى الهم في قلب المعنـى ترابعـه وكم ليل يجنح به ويخلـف روابعـه ويقطع مع الهاجوس تسعيـن غبـة" وتقبل وتقفي به ظنـون(ن) أتابعـه يلاوي به الدنيا على اليـن والقسـى ولامن غرس له غرس جفت منابعـه والى من تذكر ما مضى مـع تغيـره تضاحت طموحاته مع الناس كابعـه تمنع زمانـه لايجيلـه علـى الـذي تمنـى ونـاره فالمعاليـق قابـعـه أحاول ادله خاطـري كـل ماطـرى ولكن همـي معشبـات(ن) مرابعـه سبايـب وليـف زود الهـم بالبطـى وذا اليوم زاد سنينه السـت سابعـه انا ارجيه رجوى من رجوله تكسـرت ولا عاد ياطى لوعلى روس اصابعـه وخلي لسرحان الخلاء فـي مداهلـه ويصلاه حر الشمس والـدم طابعـه ويغضي بعينه كل ما هبهـا الهـوى وتكلا ومنها دمعـة المـوت نابعـه ودجى اليل يدني والضواري تحاوفـه وربعه نحت من خوف عنه متتابعـه وجودي مثل وجده على قـو لهفتـه مع الصد ثنتين وثـلاث(ن) ورابعـه على شوف من يسوى بعيني ويستوي غلاه الذي فيني هنـا القلـب لابعـه احبـه وامـاري وأتباهـا بجيـتــه ويا سعد عين(ن)من حلا الزين شابعه اخوكم |
رد: ( دمـعـة المـوت ) بحر هلالي صح الساانك روعه يعطيك الف الف عافيه |
رد: ( دمـعـة المـوت ) بحر هلالي وهج صح قلبك والله يعطيك الصحه الدئمه حياك |
رد: ( دمـعـة المـوت ) بحر هلالي سيف السهلي هلابمطول الغيبة منور يالغالي وقصيدة اكثر من رائعة لاعدمناك يالغالي |
رد: ( دمـعـة المـوت ) بحر هلالي سيف السهلي لا هنت على القصيده ويعطيك العافيه على الذووق الراقي بالصيااغه ابدعت |
الساعة الآن 05:05 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..