|
قصيدة روعه في بنت السعودية لسماع القصيدة فعلا الشعر رساله رد قوي على المخدوعين بالزين الصناعي بالقنوات الفضائية حبيت انقلها لكم للشاعر مشعل الشايقي ياحسين ياللي تقول الزين ------------ شــفــت .. بقـناة فـضائـيـه وين انت غادي وعقلك وين ------------- عينك عن الـزيـن معـمـيـه من فيديو كليب يالمسكين ------------- راحت هجوسك بلا جيه تحكم على زين صنع ايدين ------------- والــزيــن خــلـقـه إلـهـيـه الزين ما يقبل التزيين ----------- مـثـل الوجــيـه الصناعـيـه ذا زين ليله مـاهـوب سنين ------------- قول المثل ثوب عاريه ماتـدري عن لعبت الـتـلـوين ------------ الشـاحـبـه تصير ورديه في الشاشه توهم قصير العين ---------- وخلف الكواليس ( سحليه ) شف هيفا ماسرها تحسين ------------ انـسـيـه بـشـبـاه جـنـيـه عليها زقمٍ تقل سكين ----------- والكــوع في حـــد شبريه وشفاه ننسي مع الخدين -------------- من السيليكون مرويه وصباح شفها تقل تنين ------------- من كثر تمسيس جلديه طبلونها صافق التسعين ------------ ومــعــزمه ترجع بـنـيه ابك الحلا والحسن ياحسين ------------ شفه ف بنت السعوديـه من ديرة أهل الكرم والدين ---------- ولا تــهــون الخـلـيـجـيـه ارجال من دونها ساطين ------------- شجعان مافيهم العيّه فيها من النخله والسيفين --------------- شموخ للعز ماريه شيهانةٍ بس من وصفين ----------- بالـزيـن ماتمشي دونيه عزيزة ما تتبع مقفين ---------- ترقا عن دروب حــدريه ما تنثني ممكن او تكفين ------------ لاهل القلوب الهواويه من جاها بالشرع جت له لين -------------- ولقاهــا عفه وحنيه لدين والدنيا خير معين ---------- لا ضامك امرنٍ شقرديه ماترضى تسمع بك امرٍ شين ---------- ان غبت او جيت محميّه وان جاك ضيفٍ تقول الحين ------------- ابشر بعزك سنافيه متعلمة دينها تحصين ------------ عن عولمة فكر حريه وياحسين لا تقرب التهجين ----------- كانك تبي حسن ذريه |
رد: قصيدة روعه في بنت السعودية لاهنت راعي القصيد قصيده رائعه وتستاهل بنت السعوديه لك شكري وتقديري |
رد: قصيدة روعه في بنت السعودية قصيـــــــده في قمة الروعه صح لسان الشاعر ولاهان ناقلها دااامت ذائقتك راعي القصيــــد... |
رد: قصيدة روعه في بنت السعودية راعي القصيد فعلا قصيدة تحكي الواقع اللي يعيشة بعض الناس ومغشوشين بماوراء الشاشات لاهنت وتسلم يمناك على النقل لاعدمناك |
رد: قصيدة روعه في بنت السعودية اختيار اكثر من رائع سلمت و شـكــ وبارك الله فيك ـــرا لك ... لك مني أجمل تحية . |
| الساعة الآن 12:56 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..