|
محاوره شعريه بين بوش وبلير ... لا تفوتكم ------------------------------------------------------ محاوره شعريه بين بوش وبلير بلير: الله لايجزاك بالخير يابوش *** ورطتنا في حرب صدام ورطه غرمتني وتقول بترول وقروش *** بس الحقيقه روحتي معك غلطه بوش: يابلير رد العلم عن بوش إبن بوش *** الله خلقنا للمقاريد سلطه وأبوي عنده للرياجيل دنبوش *** كم واحد شلنا فلوسه ونفطه بلير: أبوك والنعمين لكن انت مربوش *** تموت بالبترول وتحب شفطه صحيح عندك مال وسلاح وجيوش *** مير اتوقعلك تدهور وسقطه بوش: يابلير كانك خفت يوم إحتمى الهوش *** حرام ماتاخذ من النفط نقطه قبلك ترى شيراك كد راح مكروش *** شوفه يصرح كل يوم بمحطه بلير: وراك ماتعطي لشيراك عرموش *** تراه مشغلنا بشيله وحطه ولينتهى موضوعنا نرسل طروش *** ونجمع المبلغ من الربع قطه بوش: شيراك هدا عنده الفكر مغشوش *** فرط علي بمجلس الامن فرطه يدزه اليابان والصين ويطوش *** ومجهز الفيتو لتحقيق شرطه بلير: يابوش انا مرهق وخايف ومدهوش *** وأنت تقول الحرب خدعه وخطه أسراي واسراك امتلى منهم الحوش *** عزالله أنه اصابني منك جلطه بوش: ماقلتلك كم فيهإداعات ودشوش *** لاتكشف المعنى وانا اقول غطه وان قالوا انا علوج واصحابنا جحوش *** ماهمنا الصحاف واللي يحطه منقوووول |
رد: محاوره شعريه بين بوش وبلير ... لا تفوتكم ههههههههههههه يعطيك العافه فيافي .. |
رد: محاوره شعريه بين بوش وبلير ... لا تفوتكم شبية الحر سرني مرورك |
رد: محاوره شعريه بين بوش وبلير ... لا تفوتكم فيافي ربي يعطيك العافية وجعل بوش وبلير بالسلال اللي يسلهم دمروا العالم |
| الساعة الآن 06:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..