(( الزاهده ))

يـقــول مسلط يا أولي الألباب= يديــر الفـكــــر والـرأس عـنـده شـاب
يديـــر الفكـر في حــــال ناسٍ تغــيرو=خــلـــو عــبــــادة ربـنـــــا الوهــــاب
يــــلهون في دنـيــاً تـراهـــــا مـــغــره =لذاتهــــا بـاكـــــر تـجــــي ســــــراب
عـقــب المــــعزه والفــــخر والهــــيـبه =بـيـوتـــهم عـقــب العــــمار خــــراب
الـرابــح اللـــــي عنـده أعمـال صالحه=تــراه فــــاز وفي حـــــيـاتـه طـــــاب
أبـطـلــــب اللـــي مــاتعدد فـضــــايـلـه = نـرجـــيـه واللـــي يـطلــبـه مـاخـــــاب
يـاللــه أنـا طالـبـك عـفـوك ورحـمتــك= يـامـعـطي الجـــنـه بــدون حـســــاب
إنـــــك تـثـبـتــنا إلــى زلـــت القـــــدم=وتـغـفـــر ذنـوب العبـــد لا من تــاب
والمــــــوت لا من جـــاء ماأحدٍ يـرده=يــــــجي كـــبير الــــسن والـــــشباب
يجـــــيك لو إنـــك بقصــــرٍ محصــن=ويجـــيك لو إنــــك على المــــــرقاب
لامــــت ثم فـــارقت أهــــلك ومـــالك = مــــاعاد تنــــفع عــــندك الاطــــباب
لاصــــرت في قبـرٍ ظــــلامه يوحش= مــافيــــه لا عـــــيشه ولا شـــــــراب
مافـــيه غير الـــــدود وسطه يجــتول = ونصــــايب ولــــبنٍ علــــيه تــــراب
تســــــمع قريع نعــــالهم من فوقـــك=لا قفـــــّـوا الخـــــلان والاصحـــــاب
إذا ســــأل من هـــــو نبيــــك وربـك=المسلم الصـــادق يقـــــول صـــــواب
والكـــــافر المشرك يقول هـاه مدري=ويقــــول ماعنـــــدي عليه جــــــواب
ثم ضرب ضربه يسمعه من حـــوله=ومــن قــو ضربه تجـــــفل الــــدواب
والقــــبر روضه من رياض الجـــنه=وإلا حفـــر مـــن حفـــــرة العــــــذاب
لاجـــــيت في يـــوم يهيل المـرضع=وحفظـــت أعمــالك كـلهن بكتـــــاب
ماتنـــفع أمـــوالك ولاينـــفع الخـــدم =وماينــفعك جــــاهــك ولا الأنســـاب
والنـــاس لاحشـــروا يوم القيــــــامه=يـــوم عظــــيم مابـــه أحــدِ غــــــاب
يــــوم عظيـــمٍ تــدنو الشمس منــهم=فــــوق الخـــلايق كنها المشهـــــاب
أحدٍ وصل فيــه العـــرق للركبــــــه=وأحــــدٍ غـــرق للأبــط والأرقـــــاب
وعرضــوا على نار تلظى سعيرها=الكــــل خــايف منذعــــر مرتــــــاب
وضــع الســـراط وكلـــهم عابـرينه= ينجا منه مــن إهتــــدى وآنــــــــاب
أحـــد بسرع الـــبرق وأحــد يمشي=والـلـــي وقف جـــروه بالمـــخـــلاب
عليهـــا ملائكــــة غـلاظ شــــديده=في يدينــــهم سلاســــل وإحـــــراب
أهــــل جهنــــم في عـــذابٍٍ دايـــم=مخـــلديــــــنٍ مــالــــهم مجــــــنــاب
نــارٍ حطبــها الناس هـي والحجاره=وقـــودهـــا للكـــافريــن عـــــقــــاب
وأهـل الجنــان الخضـر فازوا فيها=بالحـــور والسندس وخضــر ثيـــاب
وبيـــوت من لبـــن الذهب والفضه=وأنهـــار وخيـــامٍ عليهــــا أقبـــــاب
وشربـــوا من الكـوثر شراب طيب=مـــن سلســبيــل بــآنيـــه وأكـــواب
وأشجـار طوبى وفاكهــه ماتحصى=فيهـــا ثمـــر تين ونخــل وأعنــــاب
ماهيـــب مقطــوعه ولاممــــنوعـه=أثمــــارهـــا كـــلٍ لهــــا طـــــــلاب
أبنصــــح اللـــي في حيــاته غافـل=قــبل يمـــوت وتســلـــب الاســلاب
صـل الفرايـــض كلهــا في المسجد=خـلك مع أول مــن يجي المـــحراب
ثـم حــج بــيت الله إذا كــنت قــادر=مادمــت حــي ومنــفــتح لــك بـــاب
وإتق دعــاء المظـلوم لاقــام يدعي=تـــرى دعــاء المظــلــوم مستــجاب
وأكـل الربــاء مثل الذي ينكـح أمه=تـــراه مثــل الـــرجــس والأنصــاب
ولا تأكـــل أمــوال اليتــامى خلـها=إن كــان تبـــغــى الأجــر والثـــواب
وابــوك وامــك واجـب إنـك تبرهم=واســمــع كـــلام الـدايــم التـــــــواب
ولاتــقــل أ’فٍ ولاتــنــهــرهـــــــم=عــلــك تــفــوز بصــحبــة الخــطاب
ولاتقطـع الأرحـــام يقطــعك ربـك=خــلــك وصـــول تاصــل الأقـــراب
والجــار لاتنســـاه عطــه حقــوقــه=وفــه حـــقـــوقــه وأبــذل الأسبـــاب
واترك كلام الناس والهرج في القفى=ولاتــتـــبــع الــنمـــام والمــغـــتــاب
خلك مع الصادق يدلك على الهدى=واتـــرك طــريق الفـــاجــر الكــذاب
واختــامهــا منـي صـلاة على النبي=عـــلـى مـحـمـد ســيّــد الأحـــبــــاب