مجالس الرويضة لكل العرب - انا لامن نطق [ تِڪُفَىإِ ] .. اعطيته لو طلب هالعين ..

اقتباس:

المشاركة الأصلية كتبت بواسطة سلطان الشوق (المشاركة 403659)

{ حبيبي حيل واحشني }
\
/
\
رجع يسأل عن أخباري بعد غيبة سنه و شهرين
رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
و إهو مـا يدري الدمعة تسيــل ولا تسليني

دمع هالوجه أو كنه جمع في غيبته جرحين
و أنا عيني بدت تدمع على حزنه و تبكيني

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني و يراعيني

حبيبي ضقت بغيابك حبيبي حيل أنا مسكين
وأنا جيتك بهاليله و تكفـى لا تخليني

و أنا لا من نطق تكفى عطيته لو طلب هالعين
و أجود بكل ما يملك خفوقي و تملك إيديني

وقلت ابشر و لا يهمك تدلل وش تبي يا زين
تراني فدوه عيونك لو إنك جيت تشقيني

حبيبي لو تبي القمره عطيتك فوقها ثنتين
بعد لو تطلب النجمة أبنطق جيتك إضويني

بعد هذا ضحك بعثر همومه سلهم الرمشين
وقال الله يا الطيب وأنا ظنيت ناسيني

صراحه حيل تحرجني يا طيب يا أطيب الغاليين
ولا ادري كيف بوفيلك حبيبي وأنت تعطيني

بعد هذا تسامرنا و تواعدنا بعد يومين
و وصيته على قلبي و هو مثلي يوصيني

تواعدنا على الجمعة و لا جاني إلى الاثنين
ومر أسبوع والثاني و شوقي يشتعل فيني

تصدق عاد يا السامع .. ولا جاني الين الحين
وقبل تسأل عن أسبابه بجاوب و إنت واسيني

لأنه مات في حادث وأنا مت بغيابه لين
عرفت إني كذا ببقى ولا أحد يقوى يحييني

سلطان

اختيار في غاية الروعة

لك شكري