اشوفك بعد ماطول غيابك..!!!

السلام عليكم ورحمة الله وبركاته

احدى قصائدي القريبة لنفسي اطرحها بين ايديكم....

اشوفك بعد ما طـول غيابـك
تكاثر فيّ قولة يـا هـلا بـك

وانا لاشفت زولك ياعشيـري
من الفرحة اردد مرحبـا بـك

تمر ايـام وشهـور وليالـي
وانا في حالةٍ ماهيـب حالـي

انوم الليل نوب ونوبٍ اسهـر
واهل الدمع واشكي راس مالي

سبايب من بلانـي وامتحنـي
واخذ فرحة حياتي غصب مني

وانا مالي جدا ياكود اهوجـس
واجيب ابيات للذكرى واغنـي

تمنيت الوصل مع من بغيتـه
لو ان رضاه اجيه لحـد بيتـه

ولاكنـه هـداه الله قـاسـي
ولاقدّر خفـوقٍ لـي عطيتـة

ياكم لجلة سريت الليل عانـي
وافكر فيـه يومنـة نسانـي

واردد ليل ياصبـري وطولـك
واغوص بغبة بحور الامانـي

ثلاث سنين يالظالم وانا اتعب
وغيري فالهوى يطرَب ويلعب

وعيني ماتذوق النوم ساعـة
وصدري للهموم اليوم ملعـب

وبختـم ماكتبتـة بالتمـنـي
عسى الله في الهوى لا يمتحني

ويغفر مامضى لي في هواهـم
ولا يبعد خيال الزيـن عنـي

وسلااااامتكم

قصيده روعه ..

صح لسانك بقايا ..

قصيده في غاية الروعه...


.....تسلم بقــــــــايا.. ...

بقايا مشروع شاعر قادم ان شاء الله ننتظر جديدك

لله الله

اثر الولد شاعر وحنا ماندري

والله منتب سهل ابيات في قمه الروعه

من جد شاعر جزل بعد ..

ننتضر جديدك ابوسيف ولاتحرمنا من هالقصايد ..


تقبل \تحياتي