|
هل هنالك رجال حقاً..؟ بسم الله الرحمن الرحيم مدخل --->{من عاش بوجهين مات لاوجه له} اكيد عرفتوا وش موضوعي عنه عن تععد الوجيه ماشاء الله يجيك انسان بعشر وجيه صحيح انك ماتشوف الا وجه واحد بس هذا الحاصل اذا انت تشوف له احسن وجه لاتنبسط لأن الداخل غير عن الخارج((مهو الكل)) والمصيبه الكبيره ان اللي وجيهم كثيره اكثرهم من الجنس الذكري لاحول ولا قوة الا بالله يعني لو حريم الرسول عليه الصلاة والسلام قال عنهم ناقصات عقل ودين ومعروف كلام الحريم يتغير بس الرجال؟؟ يؤيؤيؤيؤ الرجال كلمته وحده وماتتغير بس هذا متى؟؟ هذا اول يوم كانوا الرجال متواجدين بكثره والحين للأسف مافيه رجال يعني الرجال اللي يقولك كلمه ومن وراك كلمه او يمدحك قدامك ويسبك من وراك هل يستحق لقب الرجل..؟ والله مايستحقه.. لحد يزعل للحديث بقيه |
رد: هل هنالك رجال حقاً..؟ 1_لين يجيك واحد يسب في واحد ويحطه مايسوا وفاليوم الثاني تلقاه معه وش رايك فيه يستحق لقب رجل؟؟ ((للأسف بعض الشباب كذا)) 2_لين يجيك واحد يسوي نفسه عاقل ماشاء الله ويهاوش هذا على تصرفاته فالمنتدى واسلوبه مع فلان وهو من ورا الشاشه اكبر عدو له هذا والله مو رجال؟؟ للأسف بعض شبابنا كذا 3_لما واحد يسكت عن اشياء له حق يعارض عليها ويسوي نفسه انه من مؤيدينها ومن ورا الشاشه يقول خرطي هذا رجال؟؟ 4_لما يجيك واحد يسوي نفسه عاقل وماشاء الله بنات المنتدى كلهم محترمات ومن ورا الشاشه مابقى كلمة سب الا وقالها عنها هذا رجال؟؟ لا والله مو رجال ((للأسف اكثر شبابنا كذا)) وين الشجاعه اللي يتحلون بها الرجال ليش مايقول انا والله شفت فلان غلطان وحبيت ابين له والا فلانه غلطت وحبيت ابين لها طيب غلطت البنت انصحها .. غلط الرجال انصح والا ليش تنصحهم وانت اصلا كل كلامك عنهم خطا..؟ فالنهايه اقول ياليت الواحد يمسك لسانه عن الغافلين الناس ورا شاشات وين بتلاقيهم عشان تطلبهم يبيحونك؟؟ والا يعني معاد فيه خوف من دعوة المظلوم معاد فيه خو من ((جعل من تكلم فيني من واري وانا امنـ \ ـه ان يبلا في نفسه )) مافيه خوف من عواقب اللسان..؟؟ ماخفت ان الكلام اللي قلته عن ولد الناس او بنتهم ينقال عنك او عن خواتك؟؟ نصيح ونصيح ولكن لاحياة لمن تنادي.. موضوعي هذا مجرد تذكير والموضوع مفتوح للجميع معارضه تأييد اضافه <----- مخرج {من عاش بوجهين مات لا وجه له} |
رد: هل هنالك رجال حقاً..؟ مافي لقب بمستواها كلامك جميل جدا وواقعي ولا ينكر هالشئ بشر وللاسف انه منتشر وليس عند الرجال فقط بل في كثير من النساء واعتقد ان من تصنع الرجوله او الاخلاق الجميله وهو غير ذالك فهو ليس برجال طرح جميل تشكرين عليه |
رد: هل هنالك رجال حقاً..؟ طرح رائع وانا معك طبعا هذا حااال الكثير سواء بنات او شباب ما يسعني هنا امام كلماتك الواقعيه الا الشكر لك |
رد: هل هنالك رجال حقاً..؟ سمو الاحساس اشكر مرورك وصحيح ماكتبت منتشر بين النساء والرجال شاكره مرورك اللي اسعدني |
| الساعة الآن 07:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..