|
لاقلت سهلي يوقف لك الكون احترام. محمد جارالله السهلي للشاعر محمد جارالله محمد نهير الزقعاني السهلي لا رقص جني القصايد وابتدى نظم القصيـد وارتفع جو المعانـي وانحبـك در الكـلام بعدوا اقـرب خيـال وقربـوا ابعـد بعيـد واسمعوا شعر(ن) سطابي لين عيّفني المنام شاعر(ن) بأول شبابه طوّع القـاف العنيـد اشهدوله خيرت الشعـار واهدولـه وسـام جابها بيمنـاه يـوم انـه تولّـع بالنشيـد وجنب الـزلات والهفـوات ودروب الحـرام عارف(ن) ربه وابوه معلمه راي(ن) سديـد جوّد وصاته لجل يبقى الكريم ابـن الكـرام مطابق(ن) اسمه اسم جده ولا يمكن يحيـد عن طريق اللي تسمى به ويبقى لـه امـام دامني لمحمد ابـن نهيّـر اتسمـى حفيـد والله ان ابقى على شموخه وطيبه بالتمـام يا قصيدي اشهد ان هالموقف لشرواك عيد شاقني مدح الرجال اللي بهم محد(ن) يـلام عزوتي ثم تاج راسي محزم الوقت الشديـد لابتي يـا لابتـي ياللـي تظيـم ولا تظـام سهول مجد العز والا قولـو العـز المجيـد يكفي لاقلت سهلي يوقف لك الكون احتـرام لابة(ن) من طيبهـا ربـي خلقهـا للمفيـد في اثرها تلقى كل الناس تمشـي بانتظـام طيبهم مخلوق معهم يسري في وسط الوريد ينطح الماجوب اصغرهم ولو عـاده غـلام جارهم داله وسالي مزبن الجالـي الشريـد المشاكيـل الحلاحيـل الرجاجيـل العظـام كانها بالطيش كم شيخ(ن) غدى منهم فقيـد وكانها بالسلم اخذ العلم هم رمـز السـلام قاتلين الروم دون الحق هم سـد(ن) عتيـد عابدين الرب حلويـن النبـا روس الانـام لابة(ن) من فضل ربي كل ما فيهـا حميـد اسمها لوتذكره في موقف(ن) زال الغمـام لابة(ن) تذكر وتتشرف بها ثـم(ن) تشيـد صفحه التاريخ والعربان تخصيص(ن) وعام بعدها يا افكار شعري ارسلي عبـر البريـد السلام اللي يليق بربعـي عاليـن المقـام صافحيهم ع المعزه خـد خـد و إيـد إيـد يا سلام الله عليهـم يـا سـلام الله سـلام وارسلي اول تحياتي علـى ربعـي وازيـد التحيـه للزقاعيـن بتمـعـن واهتـمـام منبع الجود بزمنـا والكـرم فيهـم مديـد طيبهم طيبـاه درع العـز للفزعـه حسـام تجفل جبال وتهيج بحوور ثـم تجتـاح بيـد لا تعزوى في علي حر(ن) تضايق ثم حـام وارسلي من بعدها من خاطر(ن) رايق سعيد التحيات لبني عمي هل الصيـت اللـي دام للبـرازات ارفعيهـا و للمحميـد بجـديـد خطي زفيها وللظهـران توقـف باحتشـام وللصعوب و آل محلف تحية(ن) كنها عقيد قومن بحرب(ن) حمى فيها حلاله باحتـدام واعتلي لا لاد سلطان بسلام(ن) مـا يهيـد وارقي يـم (آلاد قبان)بتحيـات(ن) كـرام والسلام اللي في صدري ينجرف مثل الجليد للعبيد وآل منجـل سقتـه بكـل انسجـام يا كبر حظي وانا اسمي اخره اسم(ن) فريـد لاد سهل شهمني لا صرتوا للشـده حـزام ولا على كـل القبايـل زود للدنيـا رصيـد تستحق المدح من صنعا الى اطراف شـام وختامها صلوا على الهادي شفيع(ن) للعبيد كثر ما صلوا وسط مكـه تراويـح وقيـام من محمد بن جارالله بـن محمـد آل زيـد يا سلام الله على ربعـي سـلام الله سـلام ان شاء الله ان القصيده تنال اعجبكم.. |
رد: لاقلت سهلي يوقف لك الكون احترام. محمد جارالله السهلي اقتباس:
صح لسان الشاعر محمد الجارالله وسلمت يدين كلي حلا على نقلها |
رد: لاقلت سهلي يوقف لك الكون احترام. محمد جارالله السهلي هلا والله /سمو الاحساس سرني مرورك المتميز... |
رد: لاقلت سهلي يوقف لك الكون احترام. محمد جارالله السهلي أبيات في قمة الروعه سلمت يداك على ما سطرت كلي حلا تقبلي مروري |
رد: لاقلت سهلي يوقف لك الكون احترام. محمد جارالله السهلي انشودة سرني مرورك العطر يالغاليه... |
رد: لاقلت سهلي يوقف لك الكون احترام. محمد جارالله السهلي قصيــــــــــــ ــــده راااائعه اشكرك على الاختيــــــــا ر الرااائع |
رد: لاقلت سهلي يوقف لك الكون احترام. محمد جارالله السهلي رااااااااائعه جداً.. كل الشكريات.., |
رد: لاقلت سهلي يوقف لك الكون احترام. محمد جارالله السهلي بنت كووول سرني مرورك... |
رد: لاقلت سهلي يوقف لك الكون احترام. محمد جارالله السهلي بقايا اشكرك ع المرور.. |
رد: لاقلت سهلي يوقف لك الكون احترام. محمد جارالله السهلي صح لسان قايلها وسلمت يمين ناقلها سلمت اناملك وسلم لنا احساسك الجميل 00 ننتظرجديدك بشووووق لك مني اجمل واعذب التحيه |
رد: لاقلت سهلي يوقف لك الكون احترام. محمد جارالله السهلي اقتباس:
السهول يستاهلون.. |
| الساعة الآن 12:08 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..