|
قلت آه من علم لفابه قرينيس محمد بن قرينيس بن محمد بن مسيمير من الرشايده وغلب اسم الاب قرينيس على أسم: محمد ، وهو محمد بن قرينيس وكان رئيس قبيلة الرشايده في معركة الصريف والقصيده لموضي العبيد وهيه شاعره من اهل الكويت قد مات ولدها الاول في الغوض وحزنة حزنا شديدا عليه وبعدها بخمس سنوات تقريبا حدث معركة الصريف. وكان ابنها الثاني مع الشيخ مبارك في هذه الحرب، وكانت تنتظر رجوع الابن ، ولكن قرينيس { أحد فرسان الشيخ مبارك} كان اول العائدين من المعركه وذهبت الى بيت قرينيس تسأل عن ابنها وقال لها قرينيس خبر مقتله أبنها ، فاشتعلت النار في صدرها مره اخرى على أبنها الثاني فرثته بهذه القصيده: قلت آه من علـم لفابـه قرينيـس ............... ............... ............... ..... ......ياليـت منهـو ميـت مـا درابـه علم لفابه مـرس القلـب تمريـس ............... ............... ............... ..... ......والنار عجت في الضمير التهابـه والنوم له عن جفن عيني مراويـس ............... ............... ............... ..... ......والحنظـل المذيـوق زاده شرابـه على الله اللي من على ضمر العيس ............... ............... ............... ..... ......واليوم ما ادري وين خـب لفابـه نصيت بيته وقلـت لـه ياقرينيـس ............... ............... ............... ..... ......وين الحبيب؟..وقال : ما علمنابـه اقفى مع البيرق بحرب السناعيـس ............... ............... ............... ..... ......وان سئل به والى المقاديـر جابـه رديت من كثر البكاء والهواجيـس ............... ............... ............... ..... ......دمعي كما وبل نشـأ مـن سحابـه يالله يـا فكـاك حبـل المحابيـس ............... ............... ............... ..... ......تفك لي ( محمـد ) مـن صوابـه بجاه محمـد ويعقـوب وادريـس ............... ............... ............... ..... ......عسى طلبتي عنـد ربـي مجابـه واعدا ما هبت هبـوب النسانيـس ............... ............... ............... ..... ......على النبي صليا هـو والصحابـه بس احب أذكر انه في ناس في الوقت الحالي يدنسون سمعت قرينيس ويقولون انه رجل يجيب الاخبار السيئه لأهل الكويت وبعضهم يقولون انه خادم عند الشيخ مبارك وبعضهم يقولون انه عبد حبشي كلنا عبيد لله وكلها أقاويل لاصحته لها والله على ماأقول شهيد ولو تلاحظ القصيده مكتوب فيها رد واضح جدا للشاعره تقول (نصيت بيته وقلت له ياقرينيس) معناها ان الشاعره هي راحت لبيته يوم رجع قرينيس ما هو ينقل الاخبار السيئه . منقووول |
رد: قلت آه من علم لفابه قرينيس الله لا يعيدك ياقرينيس... كل الشكريات على القصة والقصيدة..., |
رد: قلت آه من علم لفابه قرينيس سرنى مرورك بقايا جروووح |
رد: قلت آه من علم لفابه قرينيس فيافي نجد اختيار جميل لكي شكري |
| الساعة الآن 02:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..